Рада Эўразьвязу таксама заявіла пра гатовасьць “прыняць дадатковыя абмежавальныя захады”, у тым ліку замарожваньне банкаўскіх рахункаў канкрэтных асобаў.
Праз два дні пасьля разгляду Радай Эўразьвязу беларускага пытаньня Міністэрства замежных справаў Беларусі выступіла з адмысловай заявай на гэты конт. У ёй рашэньне Эўразьвязу ацэнена як спроба “навязаць ўладам і грамадзтву Беларусі сваю волю.”
МЗС Беларусі па-ранейшаму пераконвае, што прэзыдэнцкія выбары 2006 года пройдуць у “строгай адпаведнасьці зь дзейным выбарчым заканадаўствам Беларусі і міжнароднымі стандартамі”.
Што да міжнароднага назіраньня за выбарамі, то МЗС Беларусі зазначыла, што ў Беларусі яно адбываецца бесьперашкодна "ў адрозьненьне ад шэрагу краінаў Эўразьвязу".
Адначасова МЗС Беларусі выказаўся супраць спробаў Эўразьвязу “у абход уладаў фінансаваць палітычныя працэсы на тэрыторыі Беларусі”, што было названа фінансаваньнем з чорнага ходу. Паводле МЗС Беларусі рэалізацыя Эўразьвязам праектаў па падтрымцы беларускай грамадзянскай супольнасьці у абход беларускага заканадаўства, разглядаецца яе незаконнае фінансаваньне.
Афіцыйны прадстаўнік МЗС Беларусі Руслан Есін паведаміў, што беларускі бок зьвяртаўся ў Эўракамісію з просьбай даць тлумачэньні адносна працэдуры прадстаўленьня і рэалізацыі такіх сродкаў Эўразьвязу ў Беларусі, і пакуль чакае адказу на гэтае пытаньне.
Акрамя таго Руслан Есін заявіў пра непрыняцьце афіцыйным Менскам магчымасьці аднабаковага рашэньня наконт адкрыцьця ў Менску прадстаўніцтва Эўракамісіі і запатрабаваў, каб гэтае пытаньне разглядалася разам з афіцыйнымі ўладамі Беларусі паводле існуючай працэдуры.
Разам з тым, у апублікаванай сёньня заяве афіцыйны Менск выказаў сваю зацікаўленасьць ў паступовай нармалізацыі адносінаў з Эўразьвязам, у раўнапраўным дыялёгу, у тым ліку ў рамках пагадненьня аб партнэрстве і супрацоўніцтве і эўрапейскай палітыцы суседзтва.
Праз два дні пасьля разгляду Радай Эўразьвязу беларускага пытаньня Міністэрства замежных справаў Беларусі выступіла з адмысловай заявай на гэты конт. У ёй рашэньне Эўразьвязу ацэнена як спроба “навязаць ўладам і грамадзтву Беларусі сваю волю.”
МЗС Беларусі па-ранейшаму пераконвае, што прэзыдэнцкія выбары 2006 года пройдуць у “строгай адпаведнасьці зь дзейным выбарчым заканадаўствам Беларусі і міжнароднымі стандартамі”.
Што да міжнароднага назіраньня за выбарамі, то МЗС Беларусі зазначыла, што ў Беларусі яно адбываецца бесьперашкодна "ў адрозьненьне ад шэрагу краінаў Эўразьвязу".
Адначасова МЗС Беларусі выказаўся супраць спробаў Эўразьвязу “у абход уладаў фінансаваць палітычныя працэсы на тэрыторыі Беларусі”, што было названа фінансаваньнем з чорнага ходу. Паводле МЗС Беларусі рэалізацыя Эўразьвязам праектаў па падтрымцы беларускай грамадзянскай супольнасьці у абход беларускага заканадаўства, разглядаецца яе незаконнае фінансаваньне.
Афіцыйны прадстаўнік МЗС Беларусі Руслан Есін паведаміў, што беларускі бок зьвяртаўся ў Эўракамісію з просьбай даць тлумачэньні адносна працэдуры прадстаўленьня і рэалізацыі такіх сродкаў Эўразьвязу ў Беларусі, і пакуль чакае адказу на гэтае пытаньне.
Акрамя таго Руслан Есін заявіў пра непрыняцьце афіцыйным Менскам магчымасьці аднабаковага рашэньня наконт адкрыцьця ў Менску прадстаўніцтва Эўракамісіі і запатрабаваў, каб гэтае пытаньне разглядалася разам з афіцыйнымі ўладамі Беларусі паводле існуючай працэдуры.
Разам з тым, у апублікаванай сёньня заяве афіцыйны Менск выказаў сваю зацікаўленасьць ў паступовай нармалізацыі адносінаў з Эўразьвязам, у раўнапраўным дыялёгу, у тым ліку ў рамках пагадненьня аб партнэрстве і супрацоўніцтве і эўрапейскай палітыцы суседзтва.
