(Карэспандэнтка: ) “Незалежныя газэты “Народная Воля” і “Салідарнасьць” не ўключылі ў падпісны каталёг на наступны год, бо дзяржаўнае прадпрыемства “Белпошта” з 1 студзеня спыняе супрацоўніцтва з гэтымі газэтамі. Як вы ставіцеся да гэтых фактаў?”
(Cпадар: ) “Стаўлюся дужа адмоўна: прэса мусіць мець права дайсьці да чытача, калі яна запатрабаваная!”
(Спадарыня: ) “Я ня ёсьць вялікай прыхільніцай газэты “Народная Воля”, але культурніцкія артыкулы ў гэтай газэце мяне заўжды прываблівалі. Таму вельмі шкада, што ўлады гэтак зь ёй абыходзяцца. Зрэшты, у іх на гэта ёсьць прычыны, ва ўладаў: там ці ня ў кожным артыкуле пішацца пра тое, які дрэнны Лукашэнка. Канечне, з “Народнай Волі” людзі атрымлівалі такую інфармацыю, якой не прачытаеш у дзяржаўных газэтах!”
(Дзяўчына: ) “А я гэтай газэты ніколі не чытала. Таму проста ня ведаю, што вам адказаць!”
(Другая дзяўчына: ) “І я ніколі не чытала. Таму таксама нічога не магу сказаць з гэтае нагоды. Мабыць, у “Белпошты” ёсьць нейкія свае прычыны”.
(Спадар: ) “А я чытаў, і, між іншым, ёсьць шмат цікавага ў гэтай газэце! Таму я вельмі адмоўна стаўлюся да таго, што выдалілі гэтую газэту з каталёгу. Як гэта: адно чытаць мусяць, а другое — ня мусяць! Гэта вельмі дрэнна! Я вельмі адмоўна стаўлюся да такіх рэчаў”.
(Хлопец: ) “Зь “Белпоштай”, мне здаецца, усё зразумела! Я думаю, што “Белпошта” не па нейкіх там камэрцыйных прычынах выкрэсьлівае з каталёгаў “Народную Волю” і “Салідарнасьць”. Я мяркую, што гэта палітычнае рашэньне”.
(Дзяўчына: ) “Я лічу, што гэта няправільна, што апазыцыйныя газэты мусяць існаваць. Бо ў нас жа вольная дзяржава, дэмакратычная. Быццам бы”.
(Спадар: ) “Адмоўна стаўлюся, шкада. Ну, тады будзем у Барыса Хамайды купляць!”
(Карэспандэнтка: ) “Тут, на вуліцы Леніна, каля дому №28, Барыс Хамайда стала распаўсюджвае розныя незалежныя выданьні. Скажыце, спадар Барыс, як вы ставіцеся да таго, што “Белпошта” адмаўляецца распаўсюджваць “Народную Волю “ ня толькі цераз шапікі, але і па падпісцы? І наколькі гэтая газэта запатрабаваная, паводле вашых назіраньняў?”
(Хамайда: ) “Калі меркаваць па колькасьці тых, хто да мяне зьвяртаецца, то шмат хто ёй цікавіцца. Людзі нават гавораць, што самі згодныя быць “паштальёнамі”! Калі я неяк прывёз зь Менску некалькі соцень асобнікаў “Народнай назэты”, то ў мяне яе забіралі дзясяткамі — людзі гаварылі, што будуць раздаваць яе сваім знаёмым і гэтак далей! Вось і вырашэньне праблемы! Каб толькі дасылаць яе ў Віцебск, то не я адзін ужо распаўсюджваў бы гэтую газэту! Трэба неяк вырашаць гэтае пытаньне!”
Гл. таксама Ці выжыве “Народная Воля”? “Народная Воля” і “Салідарнасьць” выдаленыя з падпіснога каталёгу
(Cпадар: ) “Стаўлюся дужа адмоўна: прэса мусіць мець права дайсьці да чытача, калі яна запатрабаваная!”
(Спадарыня: ) “Я ня ёсьць вялікай прыхільніцай газэты “Народная Воля”, але культурніцкія артыкулы ў гэтай газэце мяне заўжды прываблівалі. Таму вельмі шкада, што ўлады гэтак зь ёй абыходзяцца. Зрэшты, у іх на гэта ёсьць прычыны, ва ўладаў: там ці ня ў кожным артыкуле пішацца пра тое, які дрэнны Лукашэнка. Канечне, з “Народнай Волі” людзі атрымлівалі такую інфармацыю, якой не прачытаеш у дзяржаўных газэтах!”
(Дзяўчына: ) “А я гэтай газэты ніколі не чытала. Таму проста ня ведаю, што вам адказаць!”
(Другая дзяўчына: ) “І я ніколі не чытала. Таму таксама нічога не магу сказаць з гэтае нагоды. Мабыць, у “Белпошты” ёсьць нейкія свае прычыны”.
(Спадар: ) “А я чытаў, і, між іншым, ёсьць шмат цікавага ў гэтай газэце! Таму я вельмі адмоўна стаўлюся да таго, што выдалілі гэтую газэту з каталёгу. Як гэта: адно чытаць мусяць, а другое — ня мусяць! Гэта вельмі дрэнна! Я вельмі адмоўна стаўлюся да такіх рэчаў”.
(Хлопец: ) “Зь “Белпоштай”, мне здаецца, усё зразумела! Я думаю, што “Белпошта” не па нейкіх там камэрцыйных прычынах выкрэсьлівае з каталёгаў “Народную Волю” і “Салідарнасьць”. Я мяркую, што гэта палітычнае рашэньне”.
(Дзяўчына: ) “Я лічу, што гэта няправільна, што апазыцыйныя газэты мусяць існаваць. Бо ў нас жа вольная дзяржава, дэмакратычная. Быццам бы”.
(Спадар: ) “Адмоўна стаўлюся, шкада. Ну, тады будзем у Барыса Хамайды купляць!”
(Карэспандэнтка: ) “Тут, на вуліцы Леніна, каля дому №28, Барыс Хамайда стала распаўсюджвае розныя незалежныя выданьні. Скажыце, спадар Барыс, як вы ставіцеся да таго, што “Белпошта” адмаўляецца распаўсюджваць “Народную Волю “ ня толькі цераз шапікі, але і па падпісцы? І наколькі гэтая газэта запатрабаваная, паводле вашых назіраньняў?”
(Хамайда: ) “Калі меркаваць па колькасьці тых, хто да мяне зьвяртаецца, то шмат хто ёй цікавіцца. Людзі нават гавораць, што самі згодныя быць “паштальёнамі”! Калі я неяк прывёз зь Менску некалькі соцень асобнікаў “Народнай назэты”, то ў мяне яе забіралі дзясяткамі — людзі гаварылі, што будуць раздаваць яе сваім знаёмым і гэтак далей! Вось і вырашэньне праблемы! Каб толькі дасылаць яе ў Віцебск, то не я адзін ужо распаўсюджваў бы гэтую газэту! Трэба неяк вырашаць гэтае пытаньне!”
Гл. таксама Ці выжыве “Народная Воля”? “Народная Воля” і “Салідарнасьць” выдаленыя з падпіснога каталёгу
