“Народная Воля” сёньня зьявілася ў Віцебску ўпершыню пасьля таго, як яе адмовіліся прадаваць у шапіках “Саюздруку”. Міліцыянты зрэагавалі на гэта вельмі хутка: ужо праз 20 хвілін пасьля таго, як распаўсюднік Барыс Хамайда прыйшоў на сваё звычайнае месца з поўнай сумкай газэт, па яго прыехала міліцэйская машына.
Зрэшты, тая самая машына мусілі адвезьці яго й назад, калі ў Чыгуначным райаддзеле пераканаліся, што "Народная Воля” ёсьць зарэгістраваным выданьнем, да таго ж на кожным паасобніку пазначана, што газэта распаўсюджваецца не за грошы, а дзеля рэклямных мэтаў.
Міліцыянты ўважліва перагледзелі і іншыя выданьні ў сумцы Барыса Хамайды. “БДГ – Дзелавую газэту” і часопіс “ARCHE" вярнулі распаўсюдніку, а некалькі паасобнікаў газэты “Выбар”, якую выдае сам Барыс Хамайда, пакінулі сабе.
Зрэшты, тая самая машына мусілі адвезьці яго й назад, калі ў Чыгуначным райаддзеле пераканаліся, што "Народная Воля” ёсьць зарэгістраваным выданьнем, да таго ж на кожным паасобніку пазначана, што газэта распаўсюджваецца не за грошы, а дзеля рэклямных мэтаў.
Міліцыянты ўважліва перагледзелі і іншыя выданьні ў сумцы Барыса Хамайды. “БДГ – Дзелавую газэту” і часопіс “ARCHE" вярнулі распаўсюдніку, а некалькі паасобнікаў газэты “Выбар”, якую выдае сам Барыс Хамайда, пакінулі сабе.
