На могілкі прыехалі сваякі, калегі і сябры Веранікі Чаркасавай, каб ушанаваць яе памяць. Вераніку пахавалі побач з бацькам. За тры тыдні да сваёй сьмерці яна ўсталявала помнік на ягонай магіле. Такі ж помнік цяпер стаіць і на магіле Веранікі. Калегі журналісткі выдалі кнігу яе некаторых публікацыяў за апошнія дзесяць гадоў.
Адзін са складальнікаў кнігі Аляксандар Старыкевіч, рэдактар газэты “Салідарнасьць”, дзе працавала Вераніка Чаркасава, сказаў некалькі словаў:
(Старыкевіч: ) “Слушна ў свой час казала Жанна Ліцьвіна, што Вераніка сваім целам засланіла ўсіх нас. Мы сёньня ужо ня шмат можам, але і ня так мала. Хаця здаецца, што ўлада супраць нас і грамадзтва абыякавае. Але некаторыя падзеі прадэманстравалі, што ўсё-такі прэса захоўвае пэўную вагу нават у сёньняшніх умовах. Пасьля забойства Веранікі мы ў пэўным сэнсе не далі зьдзейсьніцца другому забойству. Гэта адна з рэчаў, якія мы можам і павінны рабіць”.
Айчым Веранікі Чаркасавай Уладзімер Мялешка выказаў падзяку журналістам за падтрымку яе сям’і.
(Мялешка: ) “Тая жудасная першая ноч… Ад 10 да 12 — той прамежак часу, калі мы яе згубілі… Потым былі тры дні, дзевяць дзён, сорак дзён. Цяпер год… Так, як сам час, так і наша памяць сатканая з нашых пачуцьцяў, не абавязкова выказаных. Мяркуюць не па словах, а па справах”.
Намесьнік старшыні БАЖ Эдуард Мельнікаў выказаўся ад імя ўсіх сяброў арганізацыі:
(Мельнікаў: ) “Гэты год быў для нас, яе калегаў, годам, калі мы ўзважвалі свае магчымасьці. Узважвалі наша месца ў гэтым жыцьці і нашу ролю. Таму што, калі ад нас такім чынам сыходзіць чалавек, прадстаўнік нашай прафэсіі, то гэта прымушае нас задумацца аб тым, якое прызначэньне нашай прафэсіі і якую ролю яна павінна адыграваць у грамадзтве. І што такое наша грамадзтва. Што творыцца, што робіцца — гэта адбітак агульнай сытуацыі, якая вакол нас”.
Маці Веранікі Чаркасавай непакоіцца за свайго ўнука. Ён кепска сябе адчувае. Літаральна днямі выпісаўся са шпіталю. Яна ўпэўнена, што менавіта перажытыя стрэсы, зьвязаныя ў тым ліку з допытамі ў пракуратуры, сталі прычынай пагаршэньня здароўя. Антона днямі зноў выклікалі на допыт. Апроч яго, сьледчы выклікае калег і знаёмых Веранікі Чаркасавай, якіх раней ужо апыталі ў справе. Гэта дае падставы сваякам забітай журналісткі меркаваць, што сьледзтва за год так і ня зрушылася да раскрыцьця забойства.
Адзін са складальнікаў кнігі Аляксандар Старыкевіч, рэдактар газэты “Салідарнасьць”, дзе працавала Вераніка Чаркасава, сказаў некалькі словаў:
(Старыкевіч: ) “Слушна ў свой час казала Жанна Ліцьвіна, што Вераніка сваім целам засланіла ўсіх нас. Мы сёньня ужо ня шмат можам, але і ня так мала. Хаця здаецца, што ўлада супраць нас і грамадзтва абыякавае. Але некаторыя падзеі прадэманстравалі, што ўсё-такі прэса захоўвае пэўную вагу нават у сёньняшніх умовах. Пасьля забойства Веранікі мы ў пэўным сэнсе не далі зьдзейсьніцца другому забойству. Гэта адна з рэчаў, якія мы можам і павінны рабіць”.
Айчым Веранікі Чаркасавай Уладзімер Мялешка выказаў падзяку журналістам за падтрымку яе сям’і.
(Мялешка: ) “Тая жудасная першая ноч… Ад 10 да 12 — той прамежак часу, калі мы яе згубілі… Потым былі тры дні, дзевяць дзён, сорак дзён. Цяпер год… Так, як сам час, так і наша памяць сатканая з нашых пачуцьцяў, не абавязкова выказаных. Мяркуюць не па словах, а па справах”.
Намесьнік старшыні БАЖ Эдуард Мельнікаў выказаўся ад імя ўсіх сяброў арганізацыі:
(Мельнікаў: ) “Гэты год быў для нас, яе калегаў, годам, калі мы ўзважвалі свае магчымасьці. Узважвалі наша месца ў гэтым жыцьці і нашу ролю. Таму што, калі ад нас такім чынам сыходзіць чалавек, прадстаўнік нашай прафэсіі, то гэта прымушае нас задумацца аб тым, якое прызначэньне нашай прафэсіі і якую ролю яна павінна адыграваць у грамадзтве. І што такое наша грамадзтва. Што творыцца, што робіцца — гэта адбітак агульнай сытуацыі, якая вакол нас”.
Маці Веранікі Чаркасавай непакоіцца за свайго ўнука. Ён кепска сябе адчувае. Літаральна днямі выпісаўся са шпіталю. Яна ўпэўнена, што менавіта перажытыя стрэсы, зьвязаныя ў тым ліку з допытамі ў пракуратуры, сталі прычынай пагаршэньня здароўя. Антона днямі зноў выклікалі на допыт. Апроч яго, сьледчы выклікае калег і знаёмых Веранікі Чаркасавай, якіх раней ужо апыталі ў справе. Гэта дае падставы сваякам забітай журналісткі меркаваць, што сьледзтва за год так і ня зрушылася да раскрыцьця забойства.
