Сытуацыя вакол “Джэм-банку” набывае характар палітычнага скандалу. 31 жніўня рада дырэктараў банку распаўсюдзіла заяву, у якой сказана, што перасьлед генэральнага дырэктара банку Аляксандра Татарынцава мае палітычныя прычыны.
Паводле кіраўнікоў “Джэм-банку”, “пярэваратні ў пагонах” сярод дзяржаўных чыноўнікаў спрабавалі зацягнуць Татарынцава ў сваю крымінальную сетку, а калі гэта не ўдалося, учынілі над ім расправу.
У вір скандальных падзеяў уцягнуты нават кіраўнік краіны, лічаць ў “Джэм-банку”. “Мы перакананыя ў тым, што палітычнае кіраўніцтва Рэспублікі Беларусь наўмысна і цягам доўгага часу дэзынфармуюць ня толькі адносна сытуацыі вакол нашага банку, але і, магчыма, іншых пытаньняў дзяржаўнага і эканамічнага жыцьця”, – сьцьвярджаецца ў заяве.
Далей банкіры выказваюць меркаваньне, што дзеяньні супроць “Джэм-банку” сталіся часткай больш шырокіх плянаў, мэтай якіх ёсьць "адхіленьне ад улады дзеючага прэзыдэнта".
Паводле аўтараў заявы, гэта плянуецца зрабіць праз кантроль над кіраўнікамі некаторых сілавых ведамстваў. Ніводнага прозьвішча чыноўніка "пярэваратня" ў заяве савета дырэктараў “Джэм-банку” не названае. Я паспрабаваў высьветліць, каго дакладна падазраюць у банку ў якасьці выканаўцаў змовы супроць Аляксандра Лукашэнкі, аднак супрацоўніца банку Натальля Комар, якая адказвае за сувязі з грамадзкасьцю, адмовілася дадаваць нешта да заявы савета дырэктараў.
(Камар: ) "На жаль, ніякіх камэнтароў ня будзе".
У Камітэце дзяржаўнага кантролю, сьледчыя якога вядуць справу Аляксандра Татарынцава, спакойна паставіліся да чарговых абвінавачваньняў кіраўніцтва “Джэм-банку”. Там нагадалі пра нядаўняе абвінавачваньне сьледчых у незаконным ператрусе банку. Супрацоўнік прэс-службы Дзяніс Барташ назваў тыя абвінавачваньні банкіраў “беспадстаўнымі”.
(Барташ: ) “Я ведаю адно, гэта іх права – пісаць, а ўсе неабходныя падставы для правядзеньня таго мерапрыемства былі, ператрус быў законны.”
Нагадаем, пра непрыемнасьці у “Джэм-банку” стала вядома ў ліпені, калі Нацыянальны банк увёў для банка рэжым зьнешняй адміністрацыі і часова прыпыніў дзеяньне некаторых ліцэнзіяў. Потым гэтыя захады былі адмененыя, але неўзабаве паводле пастановы сьледзтва быў арыштаваны генэральны дырэктар “Джэм-банку” Аляксандр Татарынцаў. Банкіра дагэтуль утрымліваюць у менскім сьледчым ізалятары.
Паводле кіраўнікоў “Джэм-банку”, “пярэваратні ў пагонах” сярод дзяржаўных чыноўнікаў спрабавалі зацягнуць Татарынцава ў сваю крымінальную сетку, а калі гэта не ўдалося, учынілі над ім расправу.
У вір скандальных падзеяў уцягнуты нават кіраўнік краіны, лічаць ў “Джэм-банку”. “Мы перакананыя ў тым, што палітычнае кіраўніцтва Рэспублікі Беларусь наўмысна і цягам доўгага часу дэзынфармуюць ня толькі адносна сытуацыі вакол нашага банку, але і, магчыма, іншых пытаньняў дзяржаўнага і эканамічнага жыцьця”, – сьцьвярджаецца ў заяве.
Далей банкіры выказваюць меркаваньне, што дзеяньні супроць “Джэм-банку” сталіся часткай больш шырокіх плянаў, мэтай якіх ёсьць "адхіленьне ад улады дзеючага прэзыдэнта".
Паводле аўтараў заявы, гэта плянуецца зрабіць праз кантроль над кіраўнікамі некаторых сілавых ведамстваў. Ніводнага прозьвішча чыноўніка "пярэваратня" ў заяве савета дырэктараў “Джэм-банку” не названае. Я паспрабаваў высьветліць, каго дакладна падазраюць у банку ў якасьці выканаўцаў змовы супроць Аляксандра Лукашэнкі, аднак супрацоўніца банку Натальля Комар, якая адказвае за сувязі з грамадзкасьцю, адмовілася дадаваць нешта да заявы савета дырэктараў.
(Камар: ) "На жаль, ніякіх камэнтароў ня будзе".
У Камітэце дзяржаўнага кантролю, сьледчыя якога вядуць справу Аляксандра Татарынцава, спакойна паставіліся да чарговых абвінавачваньняў кіраўніцтва “Джэм-банку”. Там нагадалі пра нядаўняе абвінавачваньне сьледчых у незаконным ператрусе банку. Супрацоўнік прэс-службы Дзяніс Барташ назваў тыя абвінавачваньні банкіраў “беспадстаўнымі”.
(Барташ: ) “Я ведаю адно, гэта іх права – пісаць, а ўсе неабходныя падставы для правядзеньня таго мерапрыемства былі, ператрус быў законны.”
Нагадаем, пра непрыемнасьці у “Джэм-банку” стала вядома ў ліпені, калі Нацыянальны банк увёў для банка рэжым зьнешняй адміністрацыі і часова прыпыніў дзеяньне некаторых ліцэнзіяў. Потым гэтыя захады былі адмененыя, але неўзабаве паводле пастановы сьледзтва быў арыштаваны генэральны дырэктар “Джэм-банку” Аляксандр Татарынцаў. Банкіра дагэтуль утрымліваюць у менскім сьледчым ізалятары.
