Маці арыштаванага ў Беларусі актывіста грузінскай арганізацыі “Кхмара” Георгія Кандэлакі Лалі Кандэлакі паведаміла “Свабодзе”, што ніякай інфармацыі аб прычынах затрыманьня яе сына, ранейшага рашэньня беларускіх уладаў пра дэпартацыю яго, а таксама аб стане ягонага здароўя яна дагэтуль ня мае. Яна нават ня ведае, ці кормяць яго, ці яго не пабілі падчас знаходжаньня ў турме. Беларускія праваахоўчыя органы ні разу не далі яе сыну патэлефанаваць дадому. Лалі Кандэлакі вельмі хвалюецца і ня можа схаваць сваіх эмоцыяў:
(Кандэлакі: ) “Тое, што яго затрымала міліцыя ў Беларусі, ведаеце, мне так страшна, я думаю, што яго б’юць там, можа быць, яго атручваюць там, праз усё гэта я магу проста страціць розум”.
Лалі Кандэлакі просіць беларускія ўлады выпусьціць яе сына. Яна пагаджаецца нават на тое, каб яго дэпартавалі, забараніўшы прыяжджаць у Беларусь, але каб вярнулі ў сям’ю.
(Кандэлакі: ) “Нічога, нічога не паведамляюць, я чакаю дзень і ноч, дзень і ноч. Нэрвуюся вельмі. Толькі гляджу тэлевізар, слухаю, што кажуць”.
Такая ж напружаная сытуацыя цяпер і ў сям’і Цуладзэ. Маці арыштаванага ў Менску Лукі Цуладзэ Паціко Мікадзэ папрасіла праз радыё “Свабода” перадаць яе зварот да Аляксандра Лукашэнкі.
(Мікадзэ: ) “Я маці, і я вельмі нэрвуюся, я ня сплю, ня ем, я ня ведаю, як мой сын там. Я вельмі прашу, у яго таксама там, напэўна, ёсьць сям’я, таксама ёсьць маладыя сыны дома... Яны маладыя, можа, там нешта так не было, як хацеў Лукашэнка, але як-небудзь, як-небудзь, можа быць, як маці я прашу, можа быць, яны выпусьцяць яго і вернуць да нас, дадому”.
Паціко Мікадзэ паведаміла, што і Лука Цуладзэ, і Георгій Кандэлакі ніколі раней не былі ў Беларусі. Маці Лукі мяркуе, што ні яе сын, ні Георгій ніякай пагрозы Аляксандру Лукашэнку не нясуць. Яна падкрэсьлівае: гэта маладыя інтэлігентныя людзі.
(Кандэлакі: ) “Тое, што яго затрымала міліцыя ў Беларусі, ведаеце, мне так страшна, я думаю, што яго б’юць там, можа быць, яго атручваюць там, праз усё гэта я магу проста страціць розум”.
Лалі Кандэлакі просіць беларускія ўлады выпусьціць яе сына. Яна пагаджаецца нават на тое, каб яго дэпартавалі, забараніўшы прыяжджаць у Беларусь, але каб вярнулі ў сям’ю.
(Кандэлакі: ) “Нічога, нічога не паведамляюць, я чакаю дзень і ноч, дзень і ноч. Нэрвуюся вельмі. Толькі гляджу тэлевізар, слухаю, што кажуць”.
Такая ж напружаная сытуацыя цяпер і ў сям’і Цуладзэ. Маці арыштаванага ў Менску Лукі Цуладзэ Паціко Мікадзэ папрасіла праз радыё “Свабода” перадаць яе зварот да Аляксандра Лукашэнкі.
(Мікадзэ: ) “Я маці, і я вельмі нэрвуюся, я ня сплю, ня ем, я ня ведаю, як мой сын там. Я вельмі прашу, у яго таксама там, напэўна, ёсьць сям’я, таксама ёсьць маладыя сыны дома... Яны маладыя, можа, там нешта так не было, як хацеў Лукашэнка, але як-небудзь, як-небудзь, можа быць, як маці я прашу, можа быць, яны выпусьцяць яго і вернуць да нас, дадому”.
Паціко Мікадзэ паведаміла, што і Лука Цуладзэ, і Георгій Кандэлакі ніколі раней не былі ў Беларусі. Маці Лукі мяркуе, што ні яе сын, ні Георгій ніякай пагрозы Аляксандру Лукашэнку не нясуць. Яна падкрэсьлівае: гэта маладыя інтэлігентныя людзі.
