Пяцёра актывістаў руху “Зубр” сталі на праспэкце Францішка Скарыны насупраць рэстарацыі “Патыё-Піца” з расьцяжкай: “Свабоду грузінскім братам!”. Яны трымалі грузінскі й беларускі нацыянальныя сьцягі.
Сябры моладзевага руху “Зубр” мелі сустрэчы са сваімі грузінскімі партнэрамі з арганізацыі “Кхмара” Георгіем Кандэлакі й Лукой Цуладзэ. Яны абураны дзеяньнямі беларускіх уладаў. Адзін зь пікетоўцаў патлумачыў Радыё Свабода мэту акцыі.
(Андрэй: ) “Свабоду грузінскім братам! Яны прыехалі сустрэцца з намі. Але ж іх затрымалі, і яны знаходзяцца ў спэцпрыёмніку на вуліцы Акрэсьціна. Мы намагаемся, каб іх вызвалілі. Раней былі затрыманыя нашы паплечнікі з Расеі й Украіны. Цяпер дайшла чарга да грузінаў. Невядома, хто будзе наступны”.
Мінакі намагаліся хутка абысьці месца правядзеньня пікету. Адзін чалавек спыніўся. Ён паведаміў, што прыехаў у Менск з Расеі.
(Раман: ) “Свабоду належыць правільна ўспрымаць. Я ня ведаю, якая свабода ў Беларусі. За ідэю людзей нельга пазбаўляць свабоды”.
Праз 20 хвілінаў пад’ехаў амонаўскі аўтобус. Пікетоўцы паселі на ходнікі. Амонаўцы пацягнулі хлопцаў — каго за рукі, каго за ногі — у аўтобус. Усіх павезьлі ў ленінскае аддзяленьне міліцыі.
Сябры моладзевага руху “Зубр” мелі сустрэчы са сваімі грузінскімі партнэрамі з арганізацыі “Кхмара” Георгіем Кандэлакі й Лукой Цуладзэ. Яны абураны дзеяньнямі беларускіх уладаў. Адзін зь пікетоўцаў патлумачыў Радыё Свабода мэту акцыі.
(Андрэй: ) “Свабоду грузінскім братам! Яны прыехалі сустрэцца з намі. Але ж іх затрымалі, і яны знаходзяцца ў спэцпрыёмніку на вуліцы Акрэсьціна. Мы намагаемся, каб іх вызвалілі. Раней былі затрыманыя нашы паплечнікі з Расеі й Украіны. Цяпер дайшла чарга да грузінаў. Невядома, хто будзе наступны”.
Мінакі намагаліся хутка абысьці месца правядзеньня пікету. Адзін чалавек спыніўся. Ён паведаміў, што прыехаў у Менск з Расеі.
(Раман: ) “Свабоду належыць правільна ўспрымаць. Я ня ведаю, якая свабода ў Беларусі. За ідэю людзей нельга пазбаўляць свабоды”.
Праз 20 хвілінаў пад’ехаў амонаўскі аўтобус. Пікетоўцы паселі на ходнікі. Амонаўцы пацягнулі хлопцаў — каго за рукі, каго за ногі — у аўтобус. Усіх павезьлі ў ленінскае аддзяленьне міліцыі.
