Жыхары вёскі Казялужжа Хойніцкага раёну сёлета страцілі права на адсяленьне ды іншыя сацыяльныя льготы. Паводле пастановы ўраду, у Казялужжы нібыта стала меней радыяцыі, вёска пераведзена ў зону пэрыядычнага радыяцыйнага кантролю. Гэтага аднак не паўплывала на чысьціню вырашчанага тут збожжа. Распавядае Зінаіда Атрошчанка, старшыня прафкаму сельгаспрадпрыемства “Хойніцкае”, да якога належыць вёска Казялужжа:
(Атрошчанка: ) “Наша Казялужжа зрабілі чыстай зонай. А ў нас ячмень заражаны стронцыем у тры разы болей дапушчальнага ўзроўню. Уся прадукцыя заражаная. Стронцыю ў збожжы, мне сказалі, ажно ў тры разы болей нарматыву”.
Шмат вёсак аб''яўлены больш чыстымі і ў Буда-Кашалёўскім раёне, у прыватнасьці, у сельгаспрадпрыемствах “Юбілейны”, “Дубавіцкі”, “Івольск”.
Праверку тамтэйшага збожжа на радыяцыю вядзе лябараторыя досьледнай станцыі хімізацыі. Намесьнік дырэктара гэтай станцыі Іван Храмкоўскі паведаміў нашаму радыё:
(Храмкоўскі: ) “Зьвесткі, канечне, не ўяўляюць сакрэтнасьці. У сельгаспрадпрыемстве “Юбілейны” выяўлена заражаная яравая пшаніца. Узровень забруджваньня яе стронцыем склаў 17 бэкерэляў на кіляграм пры нарматыўным максымальным узроўні 11 бэкерэляў. Перавышалі гэты ўзровень пшаніца зь сельгаспрадпрыемства “Івольск”, авёс – з саўгасу “Дубавіцкі”, жыта і авёс – з саўгасу “Камінтэрн”. Не адпавядаў нарматыву і авёс у фэрмэра Раманенкі зь вёскі Дуравічы. Паводле замераў, узровень забруджваньня склаў звыш 14 бэкерэляў, а дапускаецца – 11. Гэта што да стронцыю, а цэзій мы не правяраем”.
Галоўны аграном сельгаспрабпрыемства “Юбілейны” Уладзімер Маслаў падчас гутаркі спрабаваў абвергнуць зьвесткі пра заражанасьць яравой пшаніцы стронцыем. Маўляў, адбылася блытаніна. На дасьледаваньне памылкова адпраўлена насенная пшаніца, прывезеная з Хойнікаў. Іншыя адмыслоўцы зьвесткі пра заражанасьць збожжа стронцыем не абвяргалі.
(Атрошчанка: ) “Наша Казялужжа зрабілі чыстай зонай. А ў нас ячмень заражаны стронцыем у тры разы болей дапушчальнага ўзроўню. Уся прадукцыя заражаная. Стронцыю ў збожжы, мне сказалі, ажно ў тры разы болей нарматыву”.
Шмат вёсак аб''яўлены больш чыстымі і ў Буда-Кашалёўскім раёне, у прыватнасьці, у сельгаспрадпрыемствах “Юбілейны”, “Дубавіцкі”, “Івольск”.
Праверку тамтэйшага збожжа на радыяцыю вядзе лябараторыя досьледнай станцыі хімізацыі. Намесьнік дырэктара гэтай станцыі Іван Храмкоўскі паведаміў нашаму радыё:
(Храмкоўскі: ) “Зьвесткі, канечне, не ўяўляюць сакрэтнасьці. У сельгаспрадпрыемстве “Юбілейны” выяўлена заражаная яравая пшаніца. Узровень забруджваньня яе стронцыем склаў 17 бэкерэляў на кіляграм пры нарматыўным максымальным узроўні 11 бэкерэляў. Перавышалі гэты ўзровень пшаніца зь сельгаспрадпрыемства “Івольск”, авёс – з саўгасу “Дубавіцкі”, жыта і авёс – з саўгасу “Камінтэрн”. Не адпавядаў нарматыву і авёс у фэрмэра Раманенкі зь вёскі Дуравічы. Паводле замераў, узровень забруджваньня склаў звыш 14 бэкерэляў, а дапускаецца – 11. Гэта што да стронцыю, а цэзій мы не правяраем”.
Галоўны аграном сельгаспрабпрыемства “Юбілейны” Уладзімер Маслаў падчас гутаркі спрабаваў абвергнуць зьвесткі пра заражанасьць яравой пшаніцы стронцыем. Маўляў, адбылася блытаніна. На дасьледаваньне памылкова адпраўлена насенная пшаніца, прывезеная з Хойнікаў. Іншыя адмыслоўцы зьвесткі пра заражанасьць збожжа стронцыем не абвяргалі.
