Паводле апазыцыйнага беларускага актывіста Вячаслава Сіўчыка, у Кіеве цяпер больш за семдзесят сябраў беларускіх партыяў і арганізацыяў: Маладога фронту, Зубра, Беларускай партыі Свабоды, Хартыі-97 ды іншых незарэгістраваных арганізацыяў. Ёсьць таксама актывісты АГП і БСДГ.
На Кантрактовай плошчы Кіева цяпер стаіць намётавы гарадок, арганізаваны моладзевай арганізацыяй «Пора», і над найвялікшым намётам вісіць бел-чырвона-белы сьцяг. Разам з украінскімі актывістамі, у намётах начуюць беларусы, грузіны, азэрбайджанцы. Акцыя праходзіць трэці тыдзень на карысьць сумленных выбараў прэзыдэнта Ўкраіны. У адным з намётаў пазамінулую сьцюдзёную ноч правёў актывіст БПС Алесь зь Менску.
(Алесь: ) “Фізычныя сілы ім тут непатрэбныя, ім патрэбна маральная падтрымка, каб яны былі больш ўпэўненыя ў сваіх сілах, каб ведалі, што яны не адна такая краіна, і што ў іх усё наперадзе. Як і ў нас”.
(Карэспандэнт: ) “А вы пойдзеце на Плошчу Незалежнасьці? На мітынг апазыцыі?”
(Алесь: ) “Так, пойдзем. Каб быць сьведкам гістарычных падзей”.
Пра мэты свайго прыезду ў Кіеў гаворыць лідэр БПС Сяржук Высоцкі:
(Высоцкі: ) “Нас сюды запрасілі прадстаўнікі арганізацыі «Пора». Мы прыехалі паглядзець, як адбываецца працэс выбараў ва Ўкраіне, як Украіна пазбаўляецца ад алігархічнага адсталага рэжыму, які ім ужо абрыд. У іх сілаў хапае сваіх. Людзей вельмі шмат, кожны шосты жыхар Кіева ходзіць з навязкай за Юшчанку, аранжавым колерам увесь горад пакрыты. Мы спачуваем украінцам, каб яны хутчэй здабылі сваю свабоду. А потым мы здабудзем сваю”.
Актывіст Маладога фронту Сяргей Бахун зь Берасьця распавёў, што беларуская моладзь не агітавала за кагосьці з кандыдатаў, хаця часам актывісты й дапамагалі раздаваць улёткі, часам выступалі з расповядам пра сытуацыю ў Беларусі. Сяргей Бахун таксама перакананы, што галоўнае – маральная падтрымка і абмен досьведам.
Параўнаньні ў ступені дэмакратычнасьці дзяржаўнага рэжыму Беларусі й Украіны, згуртаванасьці і ўплывовасьці апазыцыі – на карысьць Украіны, – гаворыць іншы ўдзельнік намётавага лягеру зь Беларусі, які прадстаўляе Жодзіна.
(Актывіст з Жодзіна: ) “Тут усё такі становішча больш спакойнае, чым у Беларусі, у нас намнога цяжэй усё, у нас няма незалежных тэлеканалаў, у нас лягер з намётаў не паставіш”.
Сяргей Высоцкі падтрымлівае гэтую думку.
(Высоцкі: ) “Канечне, тут больш свабоды, тут ёсьць паўнацэнная ўкраінская дзяржава, хоць і карумпаваная, але гэта нельга параўнаць зь беларускай сытуацыяй. Зараз Украіна робіць чарговы крок да здабыцьця свабоды... Грузія, Украіна, наступная павінна быць нашая Беларусь родная”.
На Кантрактовай плошчы Кіева цяпер стаіць намётавы гарадок, арганізаваны моладзевай арганізацыяй «Пора», і над найвялікшым намётам вісіць бел-чырвона-белы сьцяг. Разам з украінскімі актывістамі, у намётах начуюць беларусы, грузіны, азэрбайджанцы. Акцыя праходзіць трэці тыдзень на карысьць сумленных выбараў прэзыдэнта Ўкраіны. У адным з намётаў пазамінулую сьцюдзёную ноч правёў актывіст БПС Алесь зь Менску.
(Алесь: ) “Фізычныя сілы ім тут непатрэбныя, ім патрэбна маральная падтрымка, каб яны былі больш ўпэўненыя ў сваіх сілах, каб ведалі, што яны не адна такая краіна, і што ў іх усё наперадзе. Як і ў нас”.
(Карэспандэнт: ) “А вы пойдзеце на Плошчу Незалежнасьці? На мітынг апазыцыі?”
(Алесь: ) “Так, пойдзем. Каб быць сьведкам гістарычных падзей”.
Пра мэты свайго прыезду ў Кіеў гаворыць лідэр БПС Сяржук Высоцкі:
(Высоцкі: ) “Нас сюды запрасілі прадстаўнікі арганізацыі «Пора». Мы прыехалі паглядзець, як адбываецца працэс выбараў ва Ўкраіне, як Украіна пазбаўляецца ад алігархічнага адсталага рэжыму, які ім ужо абрыд. У іх сілаў хапае сваіх. Людзей вельмі шмат, кожны шосты жыхар Кіева ходзіць з навязкай за Юшчанку, аранжавым колерам увесь горад пакрыты. Мы спачуваем украінцам, каб яны хутчэй здабылі сваю свабоду. А потым мы здабудзем сваю”.
Актывіст Маладога фронту Сяргей Бахун зь Берасьця распавёў, што беларуская моладзь не агітавала за кагосьці з кандыдатаў, хаця часам актывісты й дапамагалі раздаваць улёткі, часам выступалі з расповядам пра сытуацыю ў Беларусі. Сяргей Бахун таксама перакананы, што галоўнае – маральная падтрымка і абмен досьведам.
Параўнаньні ў ступені дэмакратычнасьці дзяржаўнага рэжыму Беларусі й Украіны, згуртаванасьці і ўплывовасьці апазыцыі – на карысьць Украіны, – гаворыць іншы ўдзельнік намётавага лягеру зь Беларусі, які прадстаўляе Жодзіна.
(Актывіст з Жодзіна: ) “Тут усё такі становішча больш спакойнае, чым у Беларусі, у нас намнога цяжэй усё, у нас няма незалежных тэлеканалаў, у нас лягер з намётаў не паставіш”.
Сяргей Высоцкі падтрымлівае гэтую думку.
(Высоцкі: ) “Канечне, тут больш свабоды, тут ёсьць паўнацэнная ўкраінская дзяржава, хоць і карумпаваная, але гэта нельга параўнаць зь беларускай сытуацыяй. Зараз Украіна робіць чарговы крок да здабыцьця свабоды... Грузія, Украіна, наступная павінна быць нашая Беларусь родная”.
