Сьведкамі збору жыхароў вёскі Воўчая Гара на датэрміновае галасаваньне ўчора сталіся незалежныя кандыдаты ў дэпутаты Валер Пуціцкі й Леанід Невар. Распавядае Валер Пуціцкі:
(Пуціцкі: ) “У Воўчую Гару мы прыехалі недзе за дзесяць хвілінаў да гадзіны дня”.
Там ужо стаяў аўтобус, сядзелі бабулькі. Чакалі, пакуль падыдуць яшчэ — і ўжо паедуць на датэрміновае галасаваньне. Леанід Невар зазьняў усё гэта на відэакамэру. Спыталі ў кіроўцы, куды аўтобус ідзе? Ён адказаў: “На выбары!” — распавёў кандыдат у дэпутаты ад БНФ у Рэчыцкай акрузе Валер Пуціцкі.
Вёска Воўчая Гара адносіцца да Жмураўскага сельскага савету. Я зьвязаўся па тэлефоне зь ягоным старшынём Мікалаем Кулагам, каб удакладніць, хто аплачвае замову аўтобусаў дзеля падвозу вяскоўцаў на датэрміновае галасаваньне:
(Кулага: ) “Не зразумеў, вас не чуваць. Ператэлефануйце!” — кожны раз адказвае старшыня сельскага савету, як толькі пачуе пытаньне пра датэрміновае галасаваньне.
У Глыбаўскім сельсавеце людзей на датэрміновае галасаваньне падахвочваюць ня толькі падвозам, але і канцэртамі. На сёньня такі канцэрт з галасаваньнем прызначаны ў вёсцы Валадарск. Датэрміновае галасаваньне паводле патрабаваньня начальства даволі актыўна вядзецца і ў самой Рэчыцы. У прыватнасьці, у пэдагагічным каледжы, у калектывах мэтызнага заводу і нафтавікоў.
(Пуціцкі: ) “У Воўчую Гару мы прыехалі недзе за дзесяць хвілінаў да гадзіны дня”.
Там ужо стаяў аўтобус, сядзелі бабулькі. Чакалі, пакуль падыдуць яшчэ — і ўжо паедуць на датэрміновае галасаваньне. Леанід Невар зазьняў усё гэта на відэакамэру. Спыталі ў кіроўцы, куды аўтобус ідзе? Ён адказаў: “На выбары!” — распавёў кандыдат у дэпутаты ад БНФ у Рэчыцкай акрузе Валер Пуціцкі.
Вёска Воўчая Гара адносіцца да Жмураўскага сельскага савету. Я зьвязаўся па тэлефоне зь ягоным старшынём Мікалаем Кулагам, каб удакладніць, хто аплачвае замову аўтобусаў дзеля падвозу вяскоўцаў на датэрміновае галасаваньне:
(Кулага: ) “Не зразумеў, вас не чуваць. Ператэлефануйце!” — кожны раз адказвае старшыня сельскага савету, як толькі пачуе пытаньне пра датэрміновае галасаваньне.
У Глыбаўскім сельсавеце людзей на датэрміновае галасаваньне падахвочваюць ня толькі падвозам, але і канцэртамі. На сёньня такі канцэрт з галасаваньнем прызначаны ў вёсцы Валадарск. Датэрміновае галасаваньне паводле патрабаваньня начальства даволі актыўна вядзецца і ў самой Рэчыцы. У прыватнасьці, у пэдагагічным каледжы, у калектывах мэтызнага заводу і нафтавікоў.
