Сёньня ж у Брусэлі сабраліся на саміт міністры замежных справаў 25 краінаў, што ўваходзяць у склад Эўразьвязу. Многія зь іх таксама захацелі кантактаваць з прадстаўнікамі дэмакратычнай Беларусі. І хаця гэта было запрашэньне, так бы мовіць, у вольным рэжыме, яно выклікала вялікую зацікаўленасьць, цьвердзіць Анатоль Лябедзька:
(Лябедзька: ) “Прысутнічалі прадстаўнікі 20 краінаў, зь іх 12 міністраў. Алесю Мілінкевічу задавалі пытаньні міністры замежных справаў Аўстрыі, Славеніі, Латвіі, Чэхіі ды іншых краінаў. І па гэтых пытаньнях было выразна відаць, што Эўропа цікавіцца Беларусьсю. І ў кулюарах нашы сябры з усходнеэўрапейскіх краінаў гавораць, што калі яны прыйшлі да ўлады і рабілі свае першыя паездкі, дык у іх не было такога высокага ўзроўню сустрэчаў. Гэта сьведчыць (і пра гэта ўсе гавораць), што Эўропа адкрывае па-новаму для сябе Беларусь”.
Другую палову дня беларуская дэлегацыя аддала кароткім двухбаковым размовам з шэрагам міністраў замежных справаў і іх намесьнікамі. Таксама ў праграме вялікая сустрэча з прадстаўнікамі няўрадавых арганізацыяў і перамовы са сталымі прадстаўнікамі некаторых краінаў у Эўразьвязе.
Праграма наступнага дня (каманда Аляксандра Мілінкевіча будзе знаходзіцца ў Брусэлі тры дні) пачнецца з выступу патэнцыйнага кандыдата на прэзыдэнта ў палітычным камітэце Эўрапарлямэнту. Дэпутат Эўрапарлямэнту ад Літвы Юстас Палецскіс, які зьбіраецца прысутнічаць на гэтым мерапрыемстве, так тлумачыць асаблівую ўвагу эўрапейскай супольнасьці да справаў у Беларусі:
(Палецскіс: ) “Гэта сапраўды ўвага да Беларусі, выбараў, кандыдата ад апазыцыі. Я б сказаў, што гэта такая дэманстратыўная, у пазытыўным сэнсе, увага. І вялікія спадзяваньні. Хаця ўсе разумеюць, што перамагчы будзе ня проста, і гэта не азначае, што ў Брусэлі цяпер прымаецца менавіта будучы пераможца”.
Фотарэпартаж
Пакуль адбываўся саміт міністраў замежных справаў Эўразьвязу, беларускія актывісты праводзілі пікет каля будынку. Да іх выйшаў Аляксандар Мілінкевіч.
(Лябедзька: ) “Прысутнічалі прадстаўнікі 20 краінаў, зь іх 12 міністраў. Алесю Мілінкевічу задавалі пытаньні міністры замежных справаў Аўстрыі, Славеніі, Латвіі, Чэхіі ды іншых краінаў. І па гэтых пытаньнях было выразна відаць, што Эўропа цікавіцца Беларусьсю. І ў кулюарах нашы сябры з усходнеэўрапейскіх краінаў гавораць, што калі яны прыйшлі да ўлады і рабілі свае першыя паездкі, дык у іх не было такога высокага ўзроўню сустрэчаў. Гэта сьведчыць (і пра гэта ўсе гавораць), што Эўропа адкрывае па-новаму для сябе Беларусь”.
Другую палову дня беларуская дэлегацыя аддала кароткім двухбаковым размовам з шэрагам міністраў замежных справаў і іх намесьнікамі. Таксама ў праграме вялікая сустрэча з прадстаўнікамі няўрадавых арганізацыяў і перамовы са сталымі прадстаўнікамі некаторых краінаў у Эўразьвязе.
Праграма наступнага дня (каманда Аляксандра Мілінкевіча будзе знаходзіцца ў Брусэлі тры дні) пачнецца з выступу патэнцыйнага кандыдата на прэзыдэнта ў палітычным камітэце Эўрапарлямэнту. Дэпутат Эўрапарлямэнту ад Літвы Юстас Палецскіс, які зьбіраецца прысутнічаць на гэтым мерапрыемстве, так тлумачыць асаблівую ўвагу эўрапейскай супольнасьці да справаў у Беларусі:
(Палецскіс: ) “Гэта сапраўды ўвага да Беларусі, выбараў, кандыдата ад апазыцыі. Я б сказаў, што гэта такая дэманстратыўная, у пазытыўным сэнсе, увага. І вялікія спадзяваньні. Хаця ўсе разумеюць, што перамагчы будзе ня проста, і гэта не азначае, што ў Брусэлі цяпер прымаецца менавіта будучы пераможца”.
Фотарэпартаж
Пакуль адбываўся саміт міністраў замежных справаў Эўразьвязу, беларускія актывісты праводзілі пікет каля будынку. Да іх выйшаў Аляксандар Мілінкевіч.
