Вынікам мінулагодняга чатырохдзённага фотапленэра стала некалькі дзясяткаў прац 17 сябраў фатаклюбу “Менск” ды іх карэйскага калегі Ан Габ Ёна, якія дэманструюцца на выставе пад назваю “Ад роднае зямлі, ад гоману бароў”.
Гаворыць старшыня праўленьня народнага фатаклюбу “Менск” Яўген Казюля:
“Мы ў траўні мінулага году выправіліся на Стаўбцоўшчыну, а менавіта – у Мікалаеўшчыну. Чатыры дні працавалі ў розных мясьцінах. Былі мы і ў Акінчыцах, і ў Альбуці, у Ластку, у Смольні. Нёманскія дубровы і, натуральна, Нёман сталі прадметам нашага зацікаўленьня. Сустракаліся зь людзьмі, якія добра ведаюць творчасьць Коласа. Нашы калегі засталіся ў захапленьні ад таго, як чытаў “Новую зямлю” Юрка Міцкевіч – унучаты пляменьнік Якуба Коласа. Усё гэта спрыяла настрою”.
Яўген Казюля гаворыць, што ажыцьцяўляць такія праекты складана. Бо здымаць даводзіцца на адным месцы, і сюжэты ўсіх удзельнікаў аднолькавыя. Толькі ад майстэрства кожнага фатографа залежыць, у якім нечаканым ракурсе будзе зьняты той ці іншы аб’ект альбо краявід.
Галоўную задачу гэтай выставы Яўген Казюля бачыць у наступным:
“Мы ўсе хацелі, каб гэта кранула душу кожнага. Прыгажосьць зямлі нашай. І нагадаць людзям пра нашых знакамітых песьняроў і пра нашу гісторыю. Я лічу, што гэта вельмі важна. А таксама прыцягнуць увагу маладых аўтараў, якіх цяпер проста процьма зьявілася, дзякуючы сучаснай лічбавай тэхніцы. Каб задумаліся, што ня толькі прыгожыя малюнкі можна рабіць гэтай камэрай, але ж і працаваць над нейкай тэмай”.
Падобныя выставы народны фатаклюб “Менск” разам з Нацыянальным музэем гісторыі і культуры Беларусі прысьвячалі Янку Купалу, Яну Булгаку, Напалеону Орду.
Коласаўская выстава будзе працаваць у Нацыянальным музэі да 9 верасьня. А бліжэй да дня нараджэньня паэта яна пераедзе на Стаўбцоўшчыну.
Гаворыць старшыня праўленьня народнага фатаклюбу “Менск” Яўген Казюля:
“Мы ў траўні мінулага году выправіліся на Стаўбцоўшчыну, а менавіта – у Мікалаеўшчыну. Чатыры дні працавалі ў розных мясьцінах. Былі мы і ў Акінчыцах, і ў Альбуці, у Ластку, у Смольні. Нёманскія дубровы і, натуральна, Нёман сталі прадметам нашага зацікаўленьня. Сустракаліся зь людзьмі, якія добра ведаюць творчасьць Коласа. Нашы калегі засталіся ў захапленьні ад таго, як чытаў “Новую зямлю” Юрка Міцкевіч – унучаты пляменьнік Якуба Коласа. Усё гэта спрыяла настрою”.
Яўген Казюля гаворыць, што ажыцьцяўляць такія праекты складана. Бо здымаць даводзіцца на адным месцы, і сюжэты ўсіх удзельнікаў аднолькавыя. Толькі ад майстэрства кожнага фатографа залежыць, у якім нечаканым ракурсе будзе зьняты той ці іншы аб’ект альбо краявід.
Галоўную задачу гэтай выставы Яўген Казюля бачыць у наступным:
“Мы ўсе хацелі, каб гэта кранула душу кожнага. Прыгажосьць зямлі нашай. І нагадаць людзям пра нашых знакамітых песьняроў і пра нашу гісторыю. Я лічу, што гэта вельмі важна. А таксама прыцягнуць увагу маладых аўтараў, якіх цяпер проста процьма зьявілася, дзякуючы сучаснай лічбавай тэхніцы. Каб задумаліся, што ня толькі прыгожыя малюнкі можна рабіць гэтай камэрай, але ж і працаваць над нейкай тэмай”.
Падобныя выставы народны фатаклюб “Менск” разам з Нацыянальным музэем гісторыі і культуры Беларусі прысьвячалі Янку Купалу, Яну Булгаку, Напалеону Орду.
Коласаўская выстава будзе працаваць у Нацыянальным музэі да 9 верасьня. А бліжэй да дня нараджэньня паэта яна пераедзе на Стаўбцоўшчыну.
