Лідэр партыі "Справядлівы сьвет" Сяргей Калякін кажа, што ён рады, калі сапраўды апэратыўным службам удалося так хутка знайсьці злачынцаў, якія ўчынілі тэракт у менскім мэтро:
"Хаця тое, што потым гучала вакол усяго гэтага, наводзіць на нейкія сумненьні. Пажывем — пабачым. Але каб не было так, як было ў свой час зь віцебскай справай Міхасевіча, калі трэба было тэрмінова прызначыць адказнага і засудзіць. Я хацеў бы, каб гэта быў посьпех нашых спэцслужбаў. Тым болей калі яны раскрылі справы, якія па 6 гадоў не раскрываюцца".
Тое ж, што апазыцыю спрабуюць абвінаваціць у "танцах на касьцях", спробах вырашаць нейкія праблемы за кошт тэракту, Калякіна не зьдзівіла, бо гэта застаецца ў стылі паводзін беларускіх уладаў:
"Усё якраз наадварот: улада спрабуе выкарыстаць гэтую трагедыю як інструмэнт дадатковага нагнятаньня псыхозу ў грамадзтве і спробаў знайсьці нагоду для расправы з палітычнымі апанэнтамі".
Допыты апазыцыі па гэтай справе нічога не дадуць, бо яна ня мае ніякага дачыненьня да гэтых падзей, перакананы Сяргей Калякін:
"На мой погляд, са спробы ўлады пераключыць увагу на пошук нейкіх ворагаў унутры народу і згуртаваць народ вакол сябе, выкарыстоўваючы гэтую трагедыю, пераключыць абурэньне людзей на апазыцыю, нічога не атрымаецца. Пасьля трагедыі ўсе сацыяльна-эканамічныя праблемы засталіся".
"Хаця тое, што потым гучала вакол усяго гэтага, наводзіць на нейкія сумненьні. Пажывем — пабачым. Але каб не было так, як было ў свой час зь віцебскай справай Міхасевіча, калі трэба было тэрмінова прызначыць адказнага і засудзіць. Я хацеў бы, каб гэта быў посьпех нашых спэцслужбаў. Тым болей калі яны раскрылі справы, якія па 6 гадоў не раскрываюцца".
Тое ж, што апазыцыю спрабуюць абвінаваціць у "танцах на касьцях", спробах вырашаць нейкія праблемы за кошт тэракту, Калякіна не зьдзівіла, бо гэта застаецца ў стылі паводзін беларускіх уладаў:
"Усё якраз наадварот: улада спрабуе выкарыстаць гэтую трагедыю як інструмэнт дадатковага нагнятаньня псыхозу ў грамадзтве і спробаў знайсьці нагоду для расправы з палітычнымі апанэнтамі".
Допыты апазыцыі па гэтай справе нічога не дадуць, бо яна ня мае ніякага дачыненьня да гэтых падзей, перакананы Сяргей Калякін:
"На мой погляд, са спробы ўлады пераключыць увагу на пошук нейкіх ворагаў унутры народу і згуртаваць народ вакол сябе, выкарыстоўваючы гэтую трагедыю, пераключыць абурэньне людзей на апазыцыю, нічога не атрымаецца. Пасьля трагедыі ўсе сацыяльна-эканамічныя праблемы засталіся".
