Ён ужо правёў перамовы з кіраўніком МЗС краіны Гедыёнам Тыматывосам.
«У фокусе ўвагі практычныя крокі ўмацаваньня ўзаемавыгаднага супрацоўніцтва, рэалізацыя сумесных інавацыйных праектаў у шырокім спэктры кірункаў, гандлёва-эканамічнае ўзаемадзеяньне з акцэнтам на вытворчую каапэрацыю», — гаворыцца ў прэс-рэлізе МЗС Беларусі.
Тэрмінаў візыту не называюць.
Дыпляматычныя адносіны Менск і Адыс-Абэба ўстанавілі ў 1994 годзе. У краіне па сумяшчэньні акрэдытаваны беларускі пасол у Кеніі.
Паводле зьвестак МЗС, узаемны таваразварот у 2021 годзе склаў 1,3 мільёна даляраў. Больш актуальных зьвестак на сайце беларускага замежнапалітычнага ведамства няма, піша Позірк.
Як піша МЗС Беларусі, у выніку перамоваў бакі пагадзіліся актывізаваць працу над дарожнай мапай супрацоўніцтва, якую плянуецца падпісаць на ўзроўні кіраўнікоў дзяржаваў.
«Асаблівую ўвагу бакі надалі супрацы ў аграрнай сфэры, ішла гаворка, што мадэрнізацыя сельскай гаспадаркі Этыёпіі з выкарыстаньнем беларускіх тэхналёгіяў і тэхнікі, уключаючы арганізацыю зборачных вытворчасьцяў і рыхтаваньне кадраў на базе беларускіх навучальных установаў, адкрые новыя пэрспэктывы для ўзаемавыгаднага партнэрства.
Міністар Рыжанкоў таксама запрасіў этыёпскі бізнэс больш актыўна наведваць беларускія тэматычныя выставы, у тым ліку „Белагра-2025“. У гуманітарнай сфэры дасягнулі дамоўленасьці аб правядзеньні ў Этыёпіі Дзён беларускай культуры, адукацыі і спорту».
Форум