28 сакавіка Вярхоўны суд Беларусі вынес прысуд яшчэ аднаму «мёртваму нацысту» — Сямёну Серафімовічу, піша БелТА.
Серафімавіча, які памёр у 1997 годзе, прызналі вінаватым у «генацыдзе беларускага народу».
У сувязі са сьмерцю абвінаваўчы прысуд пакінулі без прызначэньня пакараньня. Пры гэтым вырак можа быць абскарджаны цягам 10 дзён.
Серафімовічу ставілі ў віну забойства ня менш як 2727 чалавек у гады Другой усясьветнай вайны.
Прэс-служба Вярхоўнага суду раней паведамляла, што справа складаецца з 30 тамоў, у ёй праходзяць 54 сьведкі. Справу накіраваў у суд генэральны пракурор Андрэй Швед. Абвінавачаньні выставілі супраць «кіраўніка аднаго з падразьдзелаў дапаможнай паліцыі» Сямёна Серафімовіча.
У прэс-рэлізе пракуратура падкрэсьлівала, што накіраваньне ў суд падобных крымінальных справаў будзе працягнута.
18 сакавіка 2024 году Вярхоўны суд асудзіў паводле арт. 127 КК Уладзіміра Катрука, якога абвінавацілі ў спаленьні вёскі Хатынь. З прычыны яго сьмерці ў 2015 годзе пакараньне таксама прызначана не было.
19 лістапада 2024 году ў Вярхоўным судзе пачаўся разгляд крымінальнай справы, заведзенай на карніка Хатыні Канстанціна Смоўскага. 30 сьнежня яго прызналі вінаватым без прызначэньня пакараньня.
