Як адзначаецца ў апублікаванай на Нацыянальным праўным інтэрнэт-партале Беларусі пастанове, працяг забароны на пастаўкі абгрунтавалі неабходнасьцю «абароны нацыянальных інтарэсаў» і «рэагаваньня на недружалюбныя дзеяньні Літоўскай Рэспублікі».
Адметна, што зь пераліку забароненай для ўвозу у Беларусь прадукцыі выключылі пазыцыю аб так званым second hand і дазволілі перамяшчаць любую літоўскую прадукцыю, калі перавозкі пачынаюцца і заканчваюцца за межамі тэрыторыі Беларусі.
Паводле дзяржаўнай статыстыкі, частка тавараў second hand у агульным аб’ёме спажываньня адзеньня складала каля 35%. Ураздроб іх прадавалі каля 2,8 тыс. гандлёвых аб’ектаў, у тым ліку інтэрнэт-крамы. Штогод у Беларусь увозілі ўжыванага адзеньня на суму каля 60–80 мільёнаў даляраў. Прадавалі на 70 мільёнаў даляраў, а рэшта ішла на рээкспарт.
Урад Беларусі ўхваліў пастанову № 182 «Аб прымяненьні спэцыяльнай абмежавальнай меры» 14 сакавіка 2024 году, якая тычылася забароны перамяшчаць аўтамабільным транспартам праз пункты пропуску на беларуска-літоўскай мяжы шэраг тавараў, прызначаных для продажу і (або) спажываньня ў Беларусі, незалежна ад краіны іх паходжаньня.
Гэтая пастанова стала адказам ў адказ на ўхваленае Літвой рашэньне спыніць рух тавараў, транспарту і людзей праз два памежныя пункты пропуску на мяжы зь Беларусьсю.
У 2024 годзе Эўразьвяз у рамках санкцыяў супраць Беларусі за падтрыманьне расейскай агрэсіі забараніў пастаўкі ўжыванага адзеньня і абутку з эўрапейскіх краін.
Форум