Ужо сёньня: Міжнародны дзень тэатру

27 сакавіка — Міжнародны дзень тэатру, устаноўлены кангрэсам Міжнароднага інстытуту тэатру ў 1961 годзе.

Дзень у гісторыі

1507 — падчас каранацыйных урачыстасьцяў Жыгімонта Старога памёр віленскі біскуп Войцех Табар

1918 — Рада БНР абвясьціла, што бярэ на сябе ўсю паўнату ўлады ў Беларусі.

1986 — роўна за месяц да чарнобыльскай аварыі газэта «Літаратурная Ўкраіна» надрукавала артыкул пра нізкую якасьць будаўніцтва Чарнобыльскай АЭС. Аўтарам была маладая журналістка з Прыпяці Любоў Кавалеўская.

1999 — адбыўся І зьезд беларусаў Расейскай Фэдэрацыі.

2020 — праз каранавірус Купалаўскі тэатар паказаў спэктакаль „Паўлінка“ анлайн, за адзін вечар яго паглядзелі 27 тысяч чалавек.

У гэты дзень нарадзіліся

1852 — Аляксей Сапуноў, гісторык, краязнавец, дасьледнік культуры.

1891 — Кляўдуш Дуж-Душэўскі, беларускі архітэктар, выдавец, журналіст, грамадзкі дзеяч, распрацаваў узор сьцяга БНР.

1909 — Валеры Маракоў, беларускі паэт і перакладчык. Ахвяра сталінскіх рэпрэсій супраць беларускай інтэлігенцыі. Калі ў 1936 годзе Валерыя Маракова арыштавалі, то сьледчыя зьдзіўляліся яго нязломнасьці. Ён не прызнаў сябе вінаватым і нікога ня выдаў.

1923 — Алесь Рылько, празаік і драматург.

1924 — Павал Урбан, беларускі гісторык, грамадзкі дзеяч.

1927 — Аляксандра Данілава, архітэктарка.

1963 — Квэнтын Тарантына, амэрыканскі рэжысэр, сцэнарыст, актор і прадусар.

У памяці

1968 — загінуў Юры Гагарын, першы касманаўт

1979 — памёр Рыгор Крушына, беларускі паэт.

2006 — памёр Станіслаў Лем, польскі пісьменьнік-фантаст.