Кіраўнік Грамадзянскага камітэту выратаваньня палітычных закладнікаў і вязьняў у Таджыкістане, які базуецца ў Польшчы, Абдусатар Бабоеў, заявіў, што ў мінулым месяцы Ікрамава перавялі зь СІЗА ў Душанбэ ў турму.
Гэтую інфармацыю пацьвердзіў Радыё Свабода актывіст Саідысхок Бабоеў, які жыве ў Эўропе. Паводле яго, «нядаўна вызвалены зь месцаў зьняволеньня ў Таджыкістане чалавек» бачыў актывіста ў СІЗА і падчас этапаваньня ў турму. Ікромаў прасіў перадаць сваім сваякам паведамленьне аб тым, што яго асудзілі на 23 гады пазбаўленьня волі.
Таджыцкая служба Радыё Свабода адзначае, што сваякі Ікромава пражываюць за межамі Таджыкістана і аб рашэньні суду нічога ня ведаюць.
Афіцыйна аб выраку Ікромаву не паведамлялася.
- 36-гадовы Ікромаў пражываў у Эўропе з жонкай і дваімі дзецьмі. У красавіку ён быў дэпартаваны з Польшчы. Раней польскія ўлады не задаволілі ягонай просьбы аб прытулку, ад чаго ён выехаў у Нямеччыну, адкуль яго адправілі назад у Польшчу, дзе ўтрымлівалі ў лягеры для нелегальных мігрантаў.
- Прадстаўнікі таджыцкай апазыцыі гавораць, што Ікрамаў быў у ліку ўдзельнікаў акцыі пратэсту ў верасьні 2023 году ў Нямеччыне, калі туды прыбыў прэзыдэнт Таджыкістану Эмамалі Рахмон.
- Таджыцкія дысыдэнты раней сьцьвярджалі, што эўрапейскія краіны перастаюць быць надзейным сховішчам для тых, хто пакінуў краіну праз палітычны перасьлед. Да такой высновы яны прыйшлі ў сувязі з дэпартацыямі іхных паплечнікаў з Аўстрыі, Нямеччыны, Літвы і іншых краін, якія пачасьціліся. Міжнародныя праваабарончыя арганізацыі рэзка раскрытыкавалі такія дзеяньні краін ЭЗ.
- На мінулым тыдні Нямеччына выправадзіла ў Таджыкістан 40-гадовага апазыцыйнага актывіста Дылмурода Эргашава, якога, па словах сьведак, затрымалі ў аэрапорце Душанбэ. Перад дэпартацыяй ён пачаў спробу суіцыду, баючыся «немінучай расправы з боку рэжыму Эмамалі Рахмона».
- Кіраўніца Freedom for Eurasia Лейла Назгюль Сеітбек, якая базуецца ў Вене, паведаміла Таджыцкай службе Радыё Свабода, што ў Эўрапейскі суд у правах чалавека накіраваны запыт з просьбай разгледзець справу Эргашава і садзейнічаць яго вяртаньню з Таджыкістана.
Форум