У мікрараёне Вясьнянка зачынілі апошні ўнівэрсам «Радзівілаўскі», на ягоным месцы адкрылі краму іншай сеткі — «Санта».
Гэтая крама на вуліцы Лесі Ўкраінкі, 22 была, па сутнасьці, флягманам дзяржаўнай сеткі «Радзівілаўскі». Сетка ўнівэрсамаў працавала ў краіне з 2003 году, піша Realt.
Доўгі час унівэрсам быў пасьпяховым, але да 2020-м у кампаніі назапасіліся даўгі і ў 2021 годзе яна перастала існаваць. Частка крам перайшла ў валоданьне Менскаму холадакамбінату № 2, частка — пайшла на продаж.
На месцы «Радзівілаўскіх» у выніку адкрыліся іншыя крамы, а памяшканьне каля Опэрнага тэатру пераабсталявалі пад кавярню «Маркс».
Форум