У Мінабароны пракамэнтавалі магутны гук над Менскам і ягоным навакольлем. Паводле афіцыйнай прадстаўніцы Міністэрства абароны Беларусі Натальлі Гаўрусік, цяпер праходзіць плянавая праверка дзяжурных сіл СПА, цытуе яе БелТА.
«Сёньня ў рамках праверкі дзяжурных сіл па СПА, якая праходзіць пад кіраўніцтвам начальніка Генэральнага штабу Ўзброеных Сіл Паўла Муравейкі, быў узьняты экіпаж зьнішчальніка Су-30 СМ.
Дзейнічаючы па зададзенай у рамках праверкі кантрольнай мэты, самалёт павялічыў хуткасьць у наборы вышыні, каб перахапіць вучэбную кантрольную мэту. У такіх выпадках паветранае судна пераходзіць на звышгук. Пры гэтым можа ўзьнікаць адчувальны гукавы эфэкт. Рэжым палёту самалёта адпавядаў правілам бясьпекі палётаў», — заявілі ў Мінабароны.
Пра гук выбуху ў Менску раніцай 31 кастрычніка з спасылкай на відавочцаў распавёў шэраг незалежных выданьняў.
Падобны на выбух гук было чуваць каля 14:15 — у раёне парка Чалюскінцаў, у Малінаўцы, ва Ўруччы і нават у Ратамцы.
Форум