Таксама Савіцкага вінавацяць у абразе Лукашэнкі паводле часткі 1 артыкула 368 КК. Працэс над Андрэем Савіцкім пачаўся 23 кастрычніка ў Менскім гарадскім судзе.
Як паведамляе праваабарончы цэнтар «Вясна», з кастрычніка 2020 па лістапад 2023 году Андрэй Савіцкі, згодна з вэрсіяй абвінавачваньня, разьмясьціў у «Аднаклясьніках» некалькі публікацый з «нэгатыўнай ацэнкай Лукашэнкі», а таксама публікацыю, у якой «адмаўляў масавае зьнішчэньне вайскоўцамі 118-га шуцманшафт-батальёна ахоўнай паліцыі і асаблівага батальёна СС Ота Дырлевангера мірных жыхароў вёскі Хатынь у выніку карнай апэрацыі 22 сакавіка 1943 году».
Паводле абвінавачаньня, гэта супярэчыць афіцыйна прынятай у Беларусі гісторыі вайны.
«У сваіх публікацыях фігурант адмаўляў генацыд беларускага народу з боку нямецкіх захопнікаў падчас Вялікай Айчыннай вайны, рэабілітуючы фашыстаў і прыпісваючы савецкім грамадзянам злачынствы, учыненыя акупантамі», — сьцьвярджала МУС Беларусі пасьля затрыманьня Андрэя Савіцкага.
Працэс над Андрэем Савіцкім па артыкуле аб генацыдзе — першы з часу прыняцьця ў студзені 2022 году закону «Аб генацыдзе беларускага народу».
У грамадзтве і паміж беларускімі гісторыкамі працягваюцца спрэчкі адносна некаторых фактаў Другой сусьветнай вайны на тэрыторыі Беларусі і вызначэньня гэтых фактаў як генацыду.
Андрэю Савіцкаму 54 гады, яго затрымалі ў сакавіку 2024 году і з таго часу ўтрымліваюць у СІЗА. Судзіць Савіцкага судзьдзя Яўген Пісарэвіч, які ўжо выносіў абвінаваўчыя прысуды па палітычна матываваных справах.
Падсуднаму пагражае да 5 гадоў зьняволеньня.
Форум