Пра гэта паведаміў эўрапейскі рэдактар Радыё Свабода/Радыё Свабодная Эўропа Рыкард Юзьвяк.
«Фінансавая дапамога накіраваная на задавальненьне неадкладных фінансавых патрэб Украіны, якія вырасьлі праз узмацненьне агрэсіі Расеі ў адносінах да Ўкраіны», — гаворыцца ў паведамленьні Эўрапейскай рады.
Паводле Юзьвяка, па-ранейшаму ня вырашанае пытаньне аб падаўжэньні санкцый у адносінах да расейскіх актываў праз тое, што Вугоршчына выступае супраць.
Раней міністар фінансаў Вугоршчыны Міхай Варга заявіў, што Будапэшт не падтрымае зьмены ў санкцыях ЭЗ супраць замарожаных актываў Расеі, што дазволіла б выдзеліць Украіне крэдыт. Паводле яго, Будапэшт хоча пачакаць з гэтым рашэньнем да выбараў прэзыдэнта ЗША, якія адбудуцца 5 лістапада 2024 году.
Выдзяленне крэдыту Ўкраіне на суму ў 35 млрд эўра ў рамках абавязаньняў «Вялікай сямёркі» 20 верасьня 2024 году анансавала кіраўніца Эўракамісіі Урзуля фон дэр Ляен. Прэзыдэнт Украіны Ўладзімір Зяленскі на брыфінгу з фон дэр Ляен у Кіеве растлумачыў, што грошы плянуецца накіраваць на энэргетыку, бамбасховішчы і часткова на ўзбраеньне, а таксама на сродкі супрацьпаветранай абароны.
Форум