Прэзыдэнт Літвы Гітанас Наўседа прапанаваў літоўскаму Сейму дэнансаваць тры пагадненьні ўраду Літвы зь Беларусьсю і Расеяй, паведамляе LRT са спасылкай на прэс-рэліз прэзыдэнта. Адпаведныя дакумэнты ён падпісаў 16 верасьня.
Наўседа прапанаваў дэнансаваць наступныя пагадненьні, падпісаныя ў 1999 годзе:
- Два пагадненьні аб заахвочваньні і ўзаемнай абароне інвэстыцый, падпісаныя паміж урадам Літвы і ўрадамі Беларусі і Расеі.
- Пагадненьне, паміж урадамі Літвы і Расеі аб перадухіленьні двайнога падаткаабкладаньня даходаў і капіталу і падатковых парушэньняў.
Літоўскі ўрад яшчэ ў траўні ўнёс прапанову дэнансаваць пагадненьні з Расеяй і Беларусьсю аб інвэстыцыях, аднак Наўседа раней не зрабіў гэтага. Такая пазыцыя выклікала Насўеды выклікала заклапочанасьць некаторых літоўскіх палітыкаў.
Калі Літва дэнансуе пагадненьне зь Беларусьсю аб заахвочваньні і ўзаемнай абароне інвэстыцый, палажэньні дакумэнта будуць дзейнічаць яшчэ год пасьля афіцыйнага апавяшчэньня літоўскага боку. Ажыцьцёўленыя ў рамках дакумэнту інвэстыцыі будуць абароненыя яшчэ на працягу 10 гадоў.
Форум