Беларус Ігар Бокі заваяваў залаты мэдаль на Паралімпіядзе ў Парыжы

Ён паказаў найлепшы час — 54,13 сэкунды.

Паралімпіец Ігар Бокі выступае ў клясе S13 — для спартоўцаў з дрэнным зрокам.

Гэта ўжо 17-е золата Паралімпіяды ў кар’еры Бокага.

Ігар Бокі — падпісант «праўладнага» ліста беларускіх спартоўцаў у падтрымку Лукашэнкі.

Сёлета беларускія і расейскія спартоўцы бяруць удзел у Паралімпійскіх гульнях у нэўтральным статусе. Агулам на спаборніцтвы дапусьцілі 8 беларусаў і 88 расейцаў. На цырымоніях адкрыцьця і закрыцьця Паралімпіяды ім можна прысутнічаць толькі ў якасьці гледачоў.

Восем беларусаў, якія выступяць на Паралімпійскіх гульнях як «нэўтральныя» атлеты, возьмуць удзел у двух відах спорту. Шасьцёра ў плаваньні, двое — у лёгкай атлетыцы:

• Плаваньне: Ігар Бокі, Яўген Кавалёнак, Дзьмітры Салей, Ягор Шчалканаў, Максім Вашкевіч і Анастасія Зудзілава.
• Лёгкая атлетыка: Лізавета Дабравольская, Уладзіслаў Грыб.

ГЛЯДЗІЦЕ ТАКСАМА:

У Парыжы адкрыліся Паралімпійскія гульні, 8 беларусаў на іх выступаюць у нэўтральным статусе. ФОТА