Папа Рымскі прызначыў новым біскупам для Беларусі ксяндза, якога год таму затрымлівалі сілавікі

Новым біскупам для Беларусі з прызначэньня папы Рымскага стаў вядомы сьвятар зь Ліды, ксёндз Андрэй Зноска, пробашч касьцёла Божай Міласэрнасьці.

Роўна год таму, 19 ліпеня 2023 году, сьвятара затрымлівалі беларускія сілавікі.

• Андрэй Зноска нарадзіўся 20 чэрвеня 1980 году ў Бярозаўцы (Горадзенская вобласьць).
• Сьвятарскае пасьвячэньне прыняў 28 траўня 2005 году з інкардынацыяй у Горадзенскай дыяцэзіі. Служыў у катэдральнай базыліцы сьвятога Францішка Ксавэрыя ў Горадні і ў парафіі Божай Міласэрнасьці ў Лідзе.
• Зноска – кансультант Канфэрэнцыі каталіцкіх біскупаў Беларусі ў юрыдычных пытаньнях і кананічным праве, ён удзельнічаў у беларускім перакладзе Кодэксу кананічнага права.
• Апостальская нунцыятура ў Рэспубліцы Беларусь паведаміла, што ксяндза Андрэя Зноску прызначылі дапаможным біскупам Пінскай дыяцэзіі.

ГЛЯДЗІЦЕ ТАКСАМА:

У Лідзе затрымалі каталіцкага ксяндза, зьявіліся паведамленьні пра зьбіцьцё сьвятароў архікатэдральнага касьцёлу ў Менску