Хроніка перасьледу 2 ліпеня: у Горадні за ўдзел у пратэстах судзяць трох чалавек

Затрымалі прадпрымальніка

Сілавікі затрымалі прадпрымальніка, паведамляе Праваабарончы цэнтар «Вясна».

Відэа з затрыманым апублікаваў праўладны тэлеграм-канал. На відэа ён кажа, што ў 2020 годзе некалькі разоў наведваў «несанкцыянаваныя мерапрыемствы». Таксама ён напісаў на плоце «Праўду не замалюеш», а на будынку — «Жыве Беларусь!».

Сьцьвярджаецца, што прадпрымальнік слаў у тэлеграм-канал «Чорная кніга Беларусь» зьвесткі сваіх былых калег зь дзяржаўнай працы.

ГЛЯДЗІЦЕ ТАКСАМА:

За грашовыя пераводы і перадачы палітвязьням жыхарцы Берасьця пагражае 7 гадоў турмы

У Горадні за ўдзел у пратэстах судзяць адразу трох чалавек

У судзе Кастрычніцкага раёну Горадні ідзе суд над Глебам Чарвяковым, Паўлам Кебічам і Эдуардам Малмыгам. Іх абвінавачваюць паводле ч. 1 арт. 342 Крымінальнага кодэксу («Актыўны ўдзел у дзеяньнях, што груба парушаюць грамадзкі парадак»). Справу разглядае Віталь Лабоцкі, паведамляе «Вясна».

Вядома, што Паўла Кебіча затрымалі ў сакавіку, калі той вярнуўся з Польшчы. Затрыманьне адбылося на вуліцы гораду.

ГЛЯДЗІЦЕ ТАКСАМА:

Хроніка перасьледу 27 чэрвеня: чарговы масавы суд у Баранавічах