Лінкі ўнівэрсальнага доступу

 
Грузінская паліцыя прымяніла гумовыя кулі супраць грамадзян, якія працягваюць пратэставаць супраць закону аб «іншаземных агентах»

Грузінская паліцыя прымяніла гумовыя кулі супраць грамадзян, якія працягваюць пратэставаць супраць закону аб «іншаземных агентах»


Сутычкі пратэстоўцаў з паліцыяй у Тбілісі
Сутычкі пратэстоўцаў з паліцыяй у Тбілісі

За ўдзел у пратэстах паліцыя працягвае затрымліваць людзей.

Увечары 2-га і ўначы 3-га траўня на акцыі супраць закону «аб замежных агентах» у Тбілісі на плошчы Герояў і вакол яе сілавікі затрымалі 23 чалавек, як паведамілі Радыё Свабода ў МУС. Усіх затрыманых вінавацяць у адміністрацыйных правапарушэньнях, дробным хуліганстве і непадпарадкаваньні.

Вядома, што сярод арыштаваных 2 траўня музыкі — удзельнік гурту «Квэмэхі» Сандро Кераўлі і ўдзельнік гурту «Бэдфард Фолс» Міха Каландарышвілі. Некаторыя з затрыманых кажуць пра перавышэньне сілы з боку паліцыі. Але сілавікі ня кажуць пра фізычны гвалт, не ўдакладняюць выпадкаў.

За апошнія тры дні міліцыя затрымала на акцыях каля сотні чалавек:

  • у ноч з 30 красавіка на 1 траўня — 63;
  • у ноч з 1 на 2 траўня — 5;
  • у ноч з 2 на 3 траўня — 23.

Удзельнікі акцыі пратэсту супраць закону аб «замежных агентах» пачалі зьбірацца на плошчы Герояў увечары 2 траўня, а 18-й гадзіне. Плошча Герояў, праспэкт Тамар Мэфі, левы бераг былі перакрытыя больш за шэсьць гадзін. Паліцыя затрымала некалькіх удзельнікаў акцыі.

3 траўня каля 01.00 ночы здарэньне адбылося на плошчы Герояў. Відавочцы, у тым ліку двое пацярпелых, расказалі, што на пратэстоўцаў напалі «правакатары», якія заехалі на плошчу Герояў, выйшлі з машын і зьбілі іх.

17 красавіка парлямэнт Грузіі ўхваліў у першым чытаньні праект закону «Аб празрыстасьці іншаземнага ўплыву». Пратэсты працягнуліся і ў наступныя дні. Апазыцыя імкнецца да поўнага скасаваньня закону і яго абмеркаваньня.

Прыхільнікаў законапраекту пратэстоўцы называюць прыхільнікамі Расеі. Найперш гэта кіроўная партыя «Грузінская мара».

Форум

Камэнтаваць тут можна праз Disqus. Калі вы ў Беларусі, любы камэнтар можа быць падставай для перасьледу з боку ўладаў.

Ігар Лосік Кацярына Андрэева Ірына Слаўнікава Марына Золатава
XS
SM
MD
LG