Ужо сёньня: дзень народзінаў Янкі Серады, першага прэзыдэнта Рады БНР

Дата дня

1 траўня 1879 году ў вёсцы Задзвеі Наваградзкага павету (сучасны Баранавіцкі раён) нарадзіўся Янка Серада, беларускі грамадзкі і палітычны дзеяч, пэдагог, публіцыст, першы Старшыня Рады БНР.

Янка Серада ўдзельнічаў у беларускім нацыянальна-вызваленчым руху з 1917 году, быў старшынёй Усебеларускага зьезду. Пад ягоным кіраўніцтвам Рада БНР на пасяджэньні ў ноч з 24 на 25 сакавіка 1918 году бальшынёй галасоў прыняла Трэцюю Ўстаўную грамату, у якой абвяшчалася незалежнасьць БНР.

ГЛЯДЗІЦЕ ТАКСАМА:

Падарожжа ў БНР (5). «Беларуская Народная Рэспубліка абвяшчаецца Незалежнай і Вольнай Дзяржавай»

22 ліпеня 1918 году сфармавалі Ўрад Беларускай Народнай Рэспублікі на чале зь Янкам Серадой.

У адрозьненьне ад іншых кіраўнікоў БНР Серада не пакінуў Беларусі. У 1930 ён быў арыштаваны паводле абвінавачаньня ва ўдзеле ў «Саюзе вызваленьня Беларусі» і сасланы ў Яраслаўль на 5 гадоў. У 1941 годзе яму вынесьлі паўторны прысуд —10 гадоў пазбаўленьня волі. Янка Серада памёр у 1943 годзе ў нявысьветленых абставінах.

Дзень у гісторыі

1710 — напярэдадні адыходу з Полацку салдаты расейскага цара Пятра I узарвалі раней зачынены і ператвораны на парахавы склад Сафійскі сабор.

1832 — расейскі імпэратар Мікалай I сваім рэскрыптам закрыў Віленскі ўнівэрсытэт.

1840 — У Вялікай Брытаніі зьявіліся першыя ў сьвеце паштовыя маркі (з профілем каралевы Вікторыі).

1966 — адбыўся апошні выступ легендарнага брытанскага гурту The Beatles.

ГЛЯДЗІЦЕ ТАКСАМА:

Выйшла ў сьвет апошняя песьня The Beatles, яе запісалі з дапамогай штучнага інтэлекту. Аўдыё

1969 — быў заснаваны Гомельскі дзяржаўны ўнівэрсытэт імя Францішка Скарыны.

2004 — Да Эўрапейскага Зьвязу далучыліся 10 дзяржаваў: Вугоршчына, Кіпр, Латвія, Літва, Мальта, Польшча, Славаччына, Славенія, Чэхія і Эстонія.

У гэты дзень нарадзіліся

1555 — Соф’я Слуцкая, рэлігійная дзяячка Вялікага Княства Літоўскага, асьветніца, беларуская праваслаўная сьвятая.

1894 — Іван Ермачэнка, беларускі палітычны дзеяч. У 1925 годзе разам са старшынём Рады БНР Пётрам Крачэўскім, Васілём Захаркам, Тамашом Грыбам не прызнаў рашэньняў Бэрлінскай Другой Усебеларускай канфэрэнцыі, дзе аб’явілі пра роспуск Ураду БНР.

1922 — Алесь Салавей, беларускі паэт.

1930 — Алесь Петрашкевіч, беларускі драматург, пісьменьнік, кандыдат гістарычных навук.

ГЛЯДЗІЦЕ ТАКСАМА:

10 фактаў пра энцыкляпэдыста Алеся Петрашкевіча, які бараніў Нямігу

193я — Алег Лойка, паэт, пісьменьнік, літаратуразнавец.

1980 — Юрась Юркевіч, грамадзкі дзеяч беларускай дыяспары, дасьледчык гісторыі Беларусі.

1981 — Аляксандар Глеб, беларускі футбаліст.

У памяці

1904 — Антанін Леапольд Дворжак, чэскі кампазытар.

1986 — Сьцяпан Александровіч, беларускі пісьменьнік, літаратуразнавец, крытык і краязнавец.