У акваторыі рыбнага порту ў Ястарні, на польскім Памор'і, знайшлі цела 36-гадовага грамадзяніна Беларусі. Пра гэта паведаміла павятовая паліцыя ў Пуцку.
На катэры, які праплываў у моры, 9 красавіка заўважылі цела мужчыны. Экіпаж апавясьціў пра гэтую знаходку паліцыю. Мёртвае цела вынялі з вады.
Сьмерць беларуса расьсьледуе паліцыя. На месцы працавалі судова-мэдычныя экспэрты з Пуцку разам з прадстаўніком пракуратуры.
