Дата дня
21 студзеня 1950 году памёр Джордж Оруэл, ангельскі навэліст і журналіст. Оруэл увайшоў у сусьветную літаратуру як аўтар антыўтопіяў «Фэрма» і «1984».
Таксама ў гэты дзень
1793 — падчас Вялікай францускай рэвалюцыі быў пакараны сьмерцю былы кароль Людовік XVI.
1939 — адкрытая Дзяржаўная карцінная галерэя БССР — сёньня Нацыянальны мастацкі музэй Рэспублікі Беларусь.
1954 — у ЗША была спушчаная на ваду першая ў сьвеце атамная падводная лодка «Наўтылюс».
1965 — у Менску адкрыты першы ў Беларусі Палац шлюбаў.
2011 — адбылася інаўгурацыя Аляксандра Лукашэнкі пасьля прэзыдэнцкіх выбараў 2010 году.
У гэты дзень нарадзіліся
1818 — Адам Кіркор, беларускі археоляг і выдавец.
1886 — Аляксей Туранкоў, беларускі кампазітар
1905 — Крыстыян Дыёр, францускі кутур’е.
1923 — Аркадзь Астрамецкі, беларускі цымбаліст.
1928 — Джын Шарп, амэрыканскі палітоляг, распрацоўнік мэтадаў негвалтоўнай барацьбы.
1941 — Плясіда Дамінга, гішпанскі сьпявак.
1953 — Пол Ален, амэрыканскі бізнэсмэн, сузаснавальнік Microsoft.
1959 — Анатоль Майсеня, беларускі журналіст і палітоляг.
У памяці
1924 — Уладзімер Ленін, лідэр расейскай рэвалюцыі 1917 году і першы кіраўнік савецкай дзяржавы.
1926 — Язэп Салавей, беларускі нацыянальны дзеяч і журналіст.
1938 — Янка Туміловіч, беларускі паэт, загінуў у ГУЛАГу.
