Савет Міністраў Беларусі вызначыў межы вайсковых палігонаў і стрэльбішчаў, а таксама іх зоны бясьпекі.
У пастанове, апублікаванай на Нацыянальным прававым інтэрнэт-партале Беларусі, пералічана 18 такіх аб’ектаў з пазначэньнем каардынат іхных межаў.
Межы палігонаў вызначаны залежна ад сыстэм узбраеньня і боепрыпасаў, якія будуць альбо выкарыстоўваюцца на палігонах.
Межы зон бясьпекі павінны сумяшчацца зь межамі лясьніцтваў, аўтамабільных дарог, чыгункі, водных аб’ектаў і ліній электраперадач.
Межы палігонаў і зон бясьпекі вакол іх будуць пазначаць адмысловымі папераджальнымі знакамі, якія забараняюць праход і праезд на гэтую тэрыторыю.
Апроч таго, уздоўж межаў палігонаў мусяць зрабіць супрацьпажарныя разрывы (заслоны) у выглядзе мінэралізаванай паласы шырынёй ня менш за трыццаць мэтраў.
Колькі палігонаў і стрэльбішчаў у Беларусі
У пастанове вызначана 18 вайсковых палігонаў і стрэльбішчаў.
- Палігон «Барысаўскі» (227-ы агульнавайсковы палігон).
- Навучальны палігон «Белая Лужа» Вайсковай акадэміі Беларусі (знаходзіцца на тэрыторыі Смалявіцкага і Барысаўскага раёнаў).
- Палігон «Обуз-Лясноўскі» (230-ы агульнавайсковы палігон у Баранавічах).
- Палігон «Гожаскі» (6-я асобная гвардзейская мэханізаваная брыгада ў Горадзенскім раёне).
- Палігон «Чэпелева» (11-я асобная гвардзейская мэханізаваная брыгада пад Слонімам, Горадзенская вобласьць).
- Палігон «Лепельскі» (19-я асобная гвардзейская мэханізаваная брыгада ў Віцебскай вобласьці).
- Палігон «Уручча» (120-я асобная гвардзейская мэханізаваная брыгада пад Менскам).
- 174-й навучальны палігон Вайскова-паветраных сіл і войскаў супрацьпаветранай абароны «Даманава» ў Івацэвіцкім раёне Берасьцейскай вобласьці).
- 210-ы авіяцыйны палігон «Ружаны» (на тэрыторыі трох раёнах Берасьцейскай вобласьці — Пружанскім, Івацэвіцкім і Бярозаўскім).
- Палігон «Нёман» (116-я гвардзейская штурмавая авіябаза ў Наваградзкім раёне Горадзенскай вобласьці).
- Палігон «Берасьцейскі» (38-я асобная гвардзейская дэсантна-штурмавая брыгада ў Берасьцейскім раёне).
- Палігон «Лосьвіда» (103-я асобная гвардзейская паветрана-дэсантная брыгада ў Віцебскай вобласьці).
- Палігон «Асіповіцкі» (51-я гвардзейская артылерыйская брыгада на тэрыторыі Магілёўскай і Менскай абласьцей).
- Палігон «Старадороскі» (8-я брыгада радыяцыйнай, хімічнай і біялягічнай абароны ў Пухавіцкім раёне Менскай вобласьці).
- Навучальны цэнтар «Лясішча» (30-я асобная чыгуначная брыгада транспартных войскаў у Слуцкім раёне Менскай вобласьці).
- Вайсковае стрэльбішча «Цаюны» (153-я асобная радыётэхнічная брыгада асаблівага прызначэньня ў Валожынскім раёне Менскай вобласьці).
- Вайсковае стрэльбішча «Пашкова» (188-я гвардзейская інжынэрная брыгада пад Магілёвам).