Раней у абʼяднаньне ўваходзілі Бразылія, Расея, Індыя, Кітай і Паўднёва-Афрыканская Рэспубліка, па першых літарах назваў якіх у ангельскім альфабэце абʼяднаньне і было названае.
Пра далучэньне да BRICS новых краін было абвешчана ў жніўні 2023 году на заключным пленарным пасяджэньні саміту абʼяднаньня ў Ёганэсбургу.
Беларусь таксама падавала заяўку на ўступ у арганізацыю. Аднак заяўку афіцыйнага Менску не задаволілі. Запрашэньне да ўступу ў BRICS тады накіравалі 6 краінам: акрамя Эгіпту, Ірану, Саудаўскай Арабіі, ААЭ і Этыёпіі, запрасілі таксама і Аргентыну.
Аднак у канцы сьнежня новаабраны аргентынскі прэзыдэнт Гаўер Мілей афіцыйна апавясьціў прэзыдэнта РФ Уладзіміра Пуціна і старшыню КНР Сі Цзіньпіна, што Аргентына ня стане ўдзельніцай BRICS.
Мілей, які стаў прэзыдэнтам Аргентыны 10 сьнежня, адзначыў, што ня лічыць дарэчным зараз удзел краіны ў арганізацыі. Яшчэ падчас перадвыбарнай кампаніі ён заяўляў, што ў выпадку перамогі адмовіцца ад далучэньня Аргентыны да BRICS. Ён крытыкаваў Кітай і Бразылію, якія ўваходзяць у арганізацыю, а таксама заяўляў, што ў выпадку абраньня прэзыдэнтам ня будзе мець справы з камуністамі.
