Памерла беларуская пісьменьніца зь Беласточчыны Надзея Артымовіч

Пра сьмерць пісьменьніцы Надзеі Артымовіч паведаміла Суполка беларускіх пісьменьнікаў.

Надзея Артымовіч нарадзілася 8 лютага 1946 году ў Аўгуставе, а дзяцінства яе прайшло ў Бельску Падляскім: там яна хадзіла ў пачатковую школу і ў Беларускі ліцэй імя Тарашкевіча.

У 1965–1967 гадах вывучала расейскую філялёгію на настаўніцкіх курсах у Беластоку, затым беларускую філялёгію ў Варшаўскім унівэрсытэце, які скончыла ў 1972 годзе.

ГЛЯДЗІЦЕ ТАКСАМА:

У Менску прэзэнтуюць дзьве кнігі беларускіх пісьменьнікаў з Падляшша

Жыла і працавала (у тым ліку перакладчыцай) у Варшаве. Была сябрам Беларускага літаратурнага аб’яднаньня «Белавежа» і Саюзу польскіх пісьменьнікаў.

Пасьля выхаду на пэнсію жыла ў Бельску Падляскім.

Паэтычны дэбют Надзеі Артымовіч адбыўся ў газэце «Ніва» («Ой, ляцелі гусі») у 1970 годзе.

Надзея Артымовіч выпусьціла зборнікі паэзіі:

• «We śnie w bólu słowa» (1979)
• «Роздумы» (1981)
• «Сэзон у белых пэйзажах» (1990)
• «Зь неспакойных дарог» (1993)
• «Дзьверы» (1994, разам з Алесем Разанавым)
• «Лагодны час» (1998)
• «Адплывае спакойнае неба» (1999)

ГЛЯДЗІЦЕ ТАКСАМА:

Ужо сёньня, 18 лютага: БХК прэзэнтуе вынікі маніторынгу працы менскай міліцыі, 630 шлюбу Ягайлы зь Ядвігай, 70 гадоў Надзеі Артымовіч