«Польшча з 1 чэрвеня прыпыніць грузавы рух для зарэгістраваных у Расеі і Беларусі грузавікоў і трэйлераў, якія спрабуюць перасекчы мяжу зь Беларусьсю», — прыводзіць Bloomberg вытрымкі з заявы МУС.
Агенцтва нагадвае, што раней у панядзелак Варшава ўвяла санкцыі супраць 365 беларускіх фізычных асоб. Прозьвішчы не называюцца. Ухвалілі таксама рашэньне аб замарожваньні сродкаў 20 арганізацый і 16 іншых асоб, зьвязаных пераважна з расейскім капіталам.
Рашэньне выклікана тым, што ў Беларусі пакінулі ў сіле «драконаўскі прысуд Анджэю Пачобуту». Яно закране тых прадстаўнікоў уладаў, якія «адказныя за палітычныя рэпрэсіі, у тым ліку супраць палякаў, якія жывуць у Беларусі», гаворыцца ў заяве міністра ўнутраных спраў Марыюша Каміньскага.
