У Воршы затрымлівалі 26-гадовага Канстанціна Баяндзіна, паведамляе Orsha.eu. Канстанцін вяртаўся з Масквы, і сілавікі праверылі ў яго мабільны тэлефон, удакладняе выданьне.
Канстанцін Баяндзін паходзіць зь Менску, працуе шоўмэнам у Маскве, паводле некаторай інфармацыі, ён уваходзіць у каманду вядомага блогера Ўлада Бумагі ці супрацоўнічаў зь ім. Канстанцін скончыў факультэт журналістыкі БДУ, перамагаў у конкурсе «Містэр журфак» і нават быў «Студэнтам году БДУ».
Пазьней тэлеграм-канал «Медиазона. Беларусь» паведаміў, што пасьля праверкі тэлефона Баяндзіна адпусьцілі.
Гомельскі актывіст Ільля Міронаў выйшаў на волю пасьля 10 дзён адміністрацыйнага арышту
11 траўня Ільля пайшоў у РАУС на «прафіляктычную размову», пасьля яе актывіста і затрымалі. 21 траўня Міронаў выйшаў на волю, паведаміла ў Facebook ягоная маці.
