Абодва фарматы адлюстроўваюць балянс сіл на момант заканчэньня Другой сусьветнай вайны і маюць патрэбу ў абнаўленьні, сказаў Антоніё Гутэрыш журналістам на саміце G7 у Хірасіме, паведамляе DW.
«Глябальная фінансавая архітэктура састарэла», яна «дысфункцыянальная і несправядлівая», — зазначыў ён.
«На фоне эканамічных узрушэньняў ад пандэміі COVID-19 і расейскага ўварваньня ва Ўкраіну яна не змагла выканаць сваю асноўную функцыю ў якасьці глябальнай страховачнай сеткі», — упэўнены Гутэрыш.
Рада бясьпекі — адзін з шасьці «галоўных органаў» ААН, стварылі ў 1945 годзе.
Раней рэфармаваць Раду бясьпекі ўжо заклікалі Японія, Злучаныя Штаты і краіны Эўразьвязу.
У сьнежні 2022 году Ўкраіна заклікала пазбавіць Расею статусу пастаяннага члена Рады бясьпекі і выключыць яе з ААН за разьвязаную вайну. Выключэньня не адбылося.
Асновы Брэтан-Вудзкай сыстэмы вызначаныя на канфэрэнцыі ААН у 1944 годзе. Яны паклалі пачатак такім арганізацыям, як Міжнародны банк рэканструкцыі і разьвіцьця і Міжнародны валютны фонд.
