Са спасылкай на абвінаваўчае заключэньне адзначаецца, што ад двух японцаў, якіх пасьля адправілі на апэрацыю ў Беларусь, гэтая некамерцыйная арганізацыя атрымала 51,5 мільёнаў іен (390 тысячаў даляраў). Аднаму з пацыентаў патрабавалася перасадка ныркі (яго праапэравалі ў ліпені 2022 года), іншаму — печані (у лютым 2022 года). Апошні, паводле інфармацыі журналістаў, пазьней памёр.
25 лютага 2022 года падчас наведваньня Аляксандрам Лукашэнкам Менскага навукова-практычнага цэнтра хірургіі, трансплянталёгіі і гематалёгіі яго дырэктар Алег Румо заявіў, што «вялікая колькасьць пацыентаў з розных куткоў сьвету, ня толькі з постсавецкай прасторы, але нават з такіх высокатэхналягічных краін, як Ізраіль альбо Японія, прыяжджаюць да нас на лячэньне».
У 2012 годзе на той момант 67-гадоваму былому дырэктару ізраільскай службы зьнешняй разьведкі «Масад» Мейру Дагану (Губэрману) у Беларусі была перасаджаная печань. Празь чатыры гады ён памёр.
