Ужо сёньня: дзень памяці Міколы Равенскага

Дата дня

9 сакавіка 1953 году ў бэльгійскім Лювэне памёр Мікола Равенскі, кампазытар, аўтар музыкі да гімну «Магутны Божа», дзеяч паваеннай эміграцыі ў Нямеччыне й Бэльгіі.

ГЛЯДЗІЦЕ ТАКСАМА:

«Ён ня наш чалавек быў». Радзіма Міколы Равенскага

Таксама ў гэты дзень

1918 — Выканаўчы камітэт Рады Ўсебеларускага зьезду прымае Другую Ўстаўную грамату.

ГЛЯДЗІЦЕ ТАКСАМА:

Падарожжа ў БНР. Аўдыёкніга

1966 — Францыя выйшла з вайсковай арганізацыі NATO.

У гэты дзень нарадзіліся

1454 — Амэрыга Вэспучы, італьянскі падарожнік, у гонар якога быў названы кантынэнт Амэрыка.

1814 — Тарас Шаўчэнка, клясык украінскай літаратуры.

1883 — Францішак Аляхновіч, беларускі драматург, тэатральны дзеяч, публіцыст, які трапіў пад хвалю рэпрэсій адным зь першых, 1 студзеня 1927 году. Пра сваё знаходжаньне ў савецкіх канцлягерах напісаў успаміны «Ў капцюрох ГПУ». Саветы абмянялі яго на вязьня польскай турмы Браніслава Тарашкевіча.

1934 — Юры Гагарын, першы касманаўт.

Юры Гагарын 12 красавіка 1961 году — 60 гадоў таму — стаў першым чалавекам, які пабываў у космасе. Яго жыцьцё — ад працы ў ліцейным цэху да трыюмфальнага вяртаньня на Зямлю — у фатаздымках

1962 — Гэнік Лойка, скульптар, адзін з ініцыятараў стварэньня моладзевага адраджэнскага руху «Беларуская Майстроўня», аўтар бюстаў Касьцюшкі і Каліноўскага, усталяваных у Нью-Ёрку.

ГЛЯДЗІЦЕ ТАКСАМА:

Беларусы ЗША адкрылі ў Нью-Ёрку бюсты Тадэвушу Касьцюшку і Кастусю Каліноўскаму

У памяці

1971 — памёр Іван Ахрэмчык, беларускі мастак і пэдагог, імем якога была названая мастацкая вучэльня ў Менску.