Тэлеграм-канал Трыбуны назваў гэта «неверагоднай падтрымкай і салідарнасьцю».
Грошы пойдуць на набыцьцё тэлефона і ноўтбука для працы, а таксама мэдычнае абсьледаваньне журналіста і футбаліста ў клініцы.
23 лютага стала вядома, што Аляксандра Івуліна вызвалілі 17 лютага сёлета. Ён адразу пакінуў Беларусь.
У першым інтэрвію сайту Tribuna. com Аляксандар падзякаваў усім, хто падтрымліваў яго падчас зьняволеньня:
«Шчыра кажучы, дагэтуль у шоку ад калясальнага ўзроўню падтрымкі. Я меркаваў, што за мяне перажывала шмат людзей, але ня мог уявіць, наколькі шмат. Калі зайшоў у Instagram, падумаў, што тэлефон выбухне з-за колькасьці паведамленьняў, адзнак. Рабяты, крыху пазьней абавязкова адкажу кожнаму. Гэта неверагодна каштоўна!
Зараз перажываю адзін з самых эмацыйных момантаў у сваiм жыцьцi. Эндарфінаў мора! Поўнае ўсьведамленьне ўсяго таго, што здарылася са мной за два апошнія гады, прыйдзе пазьней. Але менавіта ў моманце адбываецца штосьцi сапраўды грандыёзнае».
- Стваральнiка канала «ЧестнОК» i футбалiста «Крумкачоў» Аляксандра Івуліна затрымалі 3 чэрвеня 2021 году ў ягонай кватэры. Ён адседзеў 30 дзён адміністрацыйнага арышту, а пасьля стаў фігурантам крымінальнай справы.
- 19 студзеня 2022 году Аляксандра Івуліна асудзілі на 2 гады калёніі паводле ч. 1 арт. 342 Крымінальнага кодэксу. Яго прызналі вінаватым у «арганізацыі і падрыхтоўцы дзеяньняў, якія груба парушаюць грамадзкі парадак, альбо актыўным удзеле ў іх» (ч. 1 арт. 342 КК). «Менсктранс» выставіў Аляксандру Івуліну пазоў на 39 тысяч рублёў нібыта за шкоду ад спыненьня руху падчас акцыяў пратэсту.
- Віны Івулін не прызнаў, заявіў, што дарог не перакрываў, а тым больш не займаўся арганізацыяй акцыяў.
- З 12 лютага 2022 году Аляксандра Івуліна трымалі у Баранавіцкім СІЗА.
Прэзыдэнцкія выбары — 2020 у Беларусі. Што важна ведаць
- Шостыя ў гісторыі сувэрэннай Беларусі выбары прэзыдэнта прызначаныя на нядзелю, 9 жніўня 2020 году.
- 65-гадовы Аляксандар Лукашэнка кіруе дзяржавай 25 гадоў. Ніводныя прэзыдэнцкія выбары (2001, 2006, 2010, 2015), апроч першых (1994 год), не прызналі свабоднымі і справядлівымі на міжнародным узроўні.
- Старшыня ЦВК Лідзія Ярмошына адхіліла прапановы праваабаронцаў аб дыстанцыйных прэзыдэнцкіх выбарах у час эпідэміі COVID-19, бо «часу для прыняцьця гэтых захадаў ужо няма». Лукашэнка ня бачыў падставаў пераносіць выбары праз пандэмію.
- ЦВК зарэгістраваў 15 ініцыятыўных груп з 55 заявак.
- Аўтару YouTube-канала «Страна для жизни» Сяргею Ціханоўскаму Цэнтральная выбарчая камісія адмовіла ў рэгістрацыі ініцыятыўнай групы, бо ён адбываў 15 сутак арышту і ня мог асабіста падаць дакумэнты. Тады сваю ініцыятыўную групу ў ЦВК заявіла жонка блогера Сьвятлана Ціханоўская.
- 29 траўня на перадвыбарчым пікеце жонкі затрымалі Ціханоўскага і яшчэ 9 чалавек. Лукашэнка казаў пра акалічнасьці затрыманьня за 4 гадзіны да таго, як яно адбылося.
- 11 чэрвеня ў «Белгазпрамбанку» і шэрагу іншых кампаній прайшлі ператрусы. У Камітэце дзяржкантролю заявілі, што завялі крымінальныя справы аб легалізацыі сродкаў, атрыманых злачынным шляхам, і аб ухіленьні ад сплаты падаткаў у асабліва буйным памеры. Старшыня КДК Іван Тэртэль сьцьвярджаў, што да гэтых спраў мае дачыненьне патэнцыйны кандыдат у прэзыдэнты Віктар Бабарыка. Роўна за 4 гадзіны да заявы Дзяржкантролю Аляксандар Лукашэнка расказаў пра акалічнасьці «справы „Белгазпрамбанку“».
- 18 чэрвеня Віктара Бабарыку і яго сына, кіраўніка ініцыятыўнай групы Эдуарда Бабарыку затрымалі.
- 14 ліпеня ЦВК зарэгістраваў кандыдатамі ў прэзыдэнты Аляксандра Лукашэнку, Сьвятлану Ціханоўскую, Ганну Канапацкую, Андрэя Дзьмітрыева і Сяргея Чэрачня. Не зарэгістравалі Віктара Бабарыку і Валера Цапкалу.
- Ад пачатку выбарчай кампаніі праваабаронцы налічылі больш за 1300 затрыманых: удзельнікі «ланцугоў салідарнасьці», сябры ініцыятыўных груп, актывісты, палітыкі, блогеры, журналісты і проста мінакі на вуліцы. Сотні чалавек пакаралі адміністрацыйнымі арыштамі і аштрафавалі.
