Пра гэта паведаміў BPN галоўны дарадца беларускай дэмакратычнай лідаркі Франак Вячорка.
«Ціханоўская расказала, як беларусы, у тым ліку добраахвотнікі на фронце, дапамагаюць украінцам; выказала падтрымку і салідарнасьць. Бакі абмеркавалі варыянты сумесных дзеяньняў на міжнароднай арэне, каб спыніць агрэсію Пуціна і Лукашэнкі, закранулі праблему антыўкраінскай прапаганды. Дамовіліся пра далейшае супрацоўніцтва», — сказаў Вячорка.
Паводле яго, сустрэча адбылася ва ўкраінскім пастаянным прадстаўніцтве пры АБСЭ.
Мікіта Патураеў быў паліттэхнолягам будучага прэзыдэнта Ўладзіміра Зяленскага. Уваходзіць у фракцыю кіроўнай партыі «Слуга народа».
У Ціханоўскай і Зяленскага была толькі адна кароткая сустрэча — у кулюарах Канфэрэнцыі па пытаньнях рэформаў ва Ўкраіне ў ліпені 2021 году ў Вільні, дзе працуе яе офіс. Украінскія і беларускія аналітыкі неаднаразова выказвалі меркаваньне, што афіцыйная сустрэча бакоў да гэтага часу не адбылася, бо Кіеў імкнецца не правакаваць Аляксандра Лукашэнку на яшчэ большае ўцягненьне ў вайну, якую пачала Расея супраць Украіны.
