Працэс над Аляксандрам Любенчуком пачаўся 24 кастрычніка, паведамляе «Вясна». Разгляд справы праходзіць у Менскім гарадзкім судзе.
Журналісту інкрымінуюць артыкул 361-1, ч. 3 Крымінальнага кодэксу («Стварэньне экстрэмісцкага фармаваньня або ўдзел у ім, уваходжаньне асобы ў склад экстрэмісцкага фармаваньня ў мэтах учыненьня злачынства экстрэмісцкай накіраванасьці». Максімальнае пакараньне паводле гэтага артыкулу — 6 гадоў зьняволеньня.
Справу разглядае судзьдзя Алена Ананіч.
Журналіста Аляксандра Любенчука затрымалі ва ўласным доме ў вёсцы Крывічы сёлета 26 траўня.
Акрамя журналісцкай дзейнасьці Любянчук займаўся дабрачыннасьцю, ладзіў турыстычныя паходы і аднаўляў гісторыка-культурную спадчыну Наваградчыны.
Па звестках Беларускай асацыяцыі журналістаў, цяпер у зняволеньні знаходзіцца 32 прадстаўнікі беларускіх незалежных мэдыя.
