Пра гэта паведамляецца на старонцы кампаніі VFS Global, афіцыйнага партнэра амбасады Эстоніі ў Беларусі. Калі адновіцца прыём, не паведамлялася.
Плянуецца, што падавацца на візу Эстоніі, Фінляндыі і Швэцыі можна будзе ў цэнтрах у Полацку і Бабруйску. Але дату адкрыцьця пакуль не называлі.
Сэрвісны збор за кожны зварот па візу будзе складаць 16 эўра 40 эўрацэнтаў.
Тым часам офіс Сьвятланы Ціханоўскай паведаміў, што яго прадстаўнік у Эстоніі ўжо зьвязаўся з эстонскім Міністэрствам замежных спраў і што прыём дакумэнтаў адноўлены. Паводле офісу Ціханоўскай, праблема была зьвязаная з затрымкай кантракту паміж МЗС Эстоніі і кампаніяй VFS Global.
