У адпаведнасьці з плянам падрыхтоўкі Ўзброеных Сіл з 9 жніўня пад кіраўніцтвам начальніка Генэральнага штабу Ўзброеных Сіл — першага намесьніка Міністра абароны Рэспублікі Беларусь генэрал-маёра Віктара Гулевіча праводзіцца другі этап комплекснай праверкі органаў кіраваньня тэрытарыяльнай абароны горада Менску.
У раёнах сталіцы, якія правяраюцца, будуць сфармаваныя штабы тэрытарыяльнай абароны і вайсковыя часьці тэрытарыяльных войскаў, якім «трэба будзе вырашаць задачы па ахове аб’ектаў жыцьцезабесьпячэньня насельніцтва і ўдзельнічаць у забесьпячэньні грамадзкага парадку сумесна з органамі ўнутраных спраў».
З запасу на вайсковыя зборы плянуюць прызваць больш як 300 вайсковаабавязаных. Прызыў адбудзецца ў Савецкім, Першамайскім і Цэнтральным раёне Менску.
