«Белавія» пачынае штодзённыя пералёты ў маскоўскі аэрапорт «Унукава»

З 8 жніўня зьмяніўся расклад палётаў у маскоўскі аэрапорт «Унукава» зь Беларусі і назад.

Расклад рэйсаў:

• у панядзелак і суботу — вылет зь Менску а 7.00, прылёт у Маскву ў 8.25; зваротны вылет у 9.10, прылёт у 10.35;
• у аўторак і чацьвер — вылет у 19.25, прылёт у 20.50; зваротны вылет у 21.40, прылёт у 23.05;
• у сераду, пятніцу, нядзелю — вылет у 13.10, прылёт у 14:35; зваротны вылет у 15.25, прылёт у 16.50.

Акрамя «Ўнукава» «Белавія» лётае ў маскоўскія аэрапорты «Дамадзедава» і «Шарамецьцева».

ГЛЯДЗІЦЕ ТАКСАМА:

Дэпартамэнт па авіяцыі Беларусі адказаў на справаздачу ICAO аб самалёце з Пратасевічам

У ліпені Расея ў якасьці выключэньня дазволіла «Белавія» палёты на самалёце Boeing 737 MAX праз сваю тэрыторыю. Самалёт гэтай мадэлі прыбыў у Беларусь у красавіку, ён у лізінгу амэрыканскай кампаніі Air Lease Corporation.

Супраць «Белавія» ўвялі сур’ёзныя санкцыі пасьля прымусовай пасадкі самалёта авіякампаніі Ryanair у траўні 2021 году. Напрыклад, санкцыі, уведзеныя ЗША, прывялі да таго, што кампаніям ува ўсім сьвеце цяпер забаронена абслугоўваць, рамантаваць парк самалётаў «Белавія» і выкарыстоўваць для абслугоўваньня амэрыканскія дэталі. Самалёты зь Беларусі ня могуць ляцець у краіны Эўропы і пэўныя іншыя.

ГЛЯДЗІЦЕ ТАКСАМА:

Расея ў якасьці выключэньня дазволіла «Белавія» палёты на самалёце Boeing 737 MAX праз сваю тэрыторыю