Неўзабаве яе адпусьцілі да суду дадому, сам Зьміцер увесь гэты час заставаўся пад вартай. Працэс па справе сужэнцаў пачаўся ў Маскоўскім судзе Менску 11 ліпеня і скончыўся ў гэты ж дзень спрэчкамі бакоў. Зьміцер выступіў на працэсе з апошнім словам, а дзяржаўная абвінаваўца запрасіла для абаіх сужэнцаў па 1,5 года пазбаўленьня волі. Судзьдзя Тацяна Пірожнікава прысудзіла Зьмітру 1,5 года калёніі, Насьце — 3 гады хатняй хіміі. Нядаўна ў сужэнцаў нарадзіўся сын. Старэйшай дачцэ Дашкевічаў Мары — 8 гадоў, сыну Давіду — 6, дачцэ Магдалене — 3 гады.
