Арганізатары II Форуму дэмакратычных сіл Беларусі адзначылі, што свой удзел у мерапрыемстве пацьвердзілі 120 чалавек.
Запрошаны былі палітыкі, прадстаўнікі грамадзянскай супольнасьці, навукі, бізнэсу, экспэртнай супольнасьці, дыяспары, незалежна ад грамадзянства, палітычных поглядаў, рэлігійных перакананьняў, сацыяльнага статусу. Таксама запрашэньні накіравалі нямецкім і эўрапейскім палітыкам, прадстаўнікам нямецкіх бізнэс-асацыяцый і кампаній.
Паводле раскладу Форуму, у праграме прадугледжаны адкрытыя дыскусіі ў пытаньнях палітычных зьняволеных, санкцый, падтрымцы мэдыя і грамадзянскай супольнасьці.
Будуць таксама прадстаўлены прапановы працоўных груп першага Форума дэмакратычных сіл, які прайшоў у Варшаве 16-17 траўня.
Назіраць за працай форуму можна онлайн.
