Deutsche Welle паведамляе, што на гэтую прэмію намінавалі кнігу Аліс Бота (Alice Bota) «Die Frauen von Belarus. Von Revolution, Mut und dem Drang nach Freiheit» («Жанчыны Беларусі. Аб рэвалюцыі, мужнасьці і імкненьні да свабоды»), якая зьявілася ў бэрлінскім выдавецтве Piper. Аўтарка, журналістка газэты Die Zeit, расказвае пра трох беларусак, якія сталі тварамі пратэстаў 2020 году: Марыю Калесьнікаву, Сьвятлану Ціханоўскую і Вераніку Цапкалу.
Бота характарызуе сваю кнігу як гісторыю аб прарыве і жаночым самасьцьвярджэньні. «Тры жанчыны прывялі ў рух тое, што немагчыма адвярнуць нават з дапамогай самага жорсткага дзяржаўнага гвалту», падкрэсьлівае журналістка. Акрамя таго, кніга закранае праблему беларускай мовы, да якой многія прадстаўнікі ўладаў Беларусі ставяцца грэбліва, адзначае Deutsche Welle.
