Ужо сёньня: 111-ы дзень нараджэньня Васіля Віткі

Падзеі 16 траўня ў беларускай і сусьветнай гісторыі.

Дзень у гісторыі

1657 — у Янаве Палескім па працяглых катаваньнях казакі забілі каталіцкага місіянэра Андрэя Баболю. У 1853 годзе Ватыкан прызнаў яго блаславёным.

ГЛЯДЗІЦЕ ТАКСАМА:

У Янаве вандалы разьбілі памятны знак сьвятога Андрэя Баболі

1674 — Ян Сабескі быў абраны каралём польскім і вялікім князем літоўскім.

1686 — паміж Расеяй і Рэччу Паспалітай падпісаны «вечны мір», Расея атрымала Смаленшчыну, Чарнігаўшчыну і Кіеў.

1804 — Напалеон I быў абвешчаны імпэратарам.

1889 — упершыню апублікавалі паэму «Тарас на Парнасе» (у газэце «Минский листок»). Паэма была напісаная, найбольш верагодна, у 1850-я. Аўтарам паэмы лічыцца Канстанцін Вераніцын.

ГЛЯДЗІЦЕ ТАКСАМА:

20 фактаў пра аўтара самага папулярнага твору ў гісторыі беларускай літаратуры

1986 — у Горадні быў адкрыты Дом-музэй Максіма Багдановіча.

У гэты дзень нарадзіліся

1755 — Ян Непамуцэн Касакоўскі, дзяржаўны й рэлігійны дзяяч ВКЛ.

1911 — Васіль Вітка, клясык беларускай дзіцячай літаратуры.

1955 — Вольга Корбут, гімнастка, чатырохразовая алімпійская чэмпіёнка.

1957 — Юры Шаўчук, расейскі паэт і рок-музыка.

У памяці

1926 — Казімер Сваяк, беларускі каталіцкі сьвятар, нацыянальны дзяяч, паэт.

1979 — Яўсей Канчар, беларускі палітычны дзяяч, гісторык, публіцыст, вучоны ў галіне эканамічнай геаграфіі, адзін з арганізатараў Усебеларускага зьезду 1917 году.