Калі расейскамоўны беларус хоча патлумачыць, чаму ён дагэтуль не перайшоў на беларускую мову ці хаця б не спрабуе, то найчасьцей гучыць аргумэнт: «Так исторически сложилось».
Ня толькі гэтае апраўданьне ня мае пад сабой грунту, але і многія іншыя. Само па сабе нічога «исторически не сложилось». Бяда беларусаў са сваёй мовай — гэта вынік мэтанакіраванай палітыкі цягам стагодзьдзяў. Журналіст Свабоды Зьміцер Гурневіч тлумачыць, як гэта адбывалася: з XVII стагодзьдзя і па сёньня.
