Ужо сёньня: дваццаць восьмы дзень расейскага нападу на Ўкраіну

Сёньня дваццаць восьмы дзень расейскага нападу на Ўкраіну. Тут падсумаваньне падзеяў за 22 сакавіка:

ГЛЯДЗІЦЕ ТАКСАМА:

Абстрэл порту ў Мікалаеве, забароненыя фосфарныя бомбы ў Краматорску. 27-ы дзень вайны Расеі супраць Украіны

Дата дня

23 сакавіка 1942 году памёр Антон Луцкевіч, беларускі палітычны дзяяч, публіцыст і навуковец. Антон Луцкевіч быў ініцыятарам абвяшчэньня незалежнасьці Беларускай Народнай Рэспублікі, аўтарам Трэцяй устаўной граматы і прэмʼер-міністрам БНР.

Таксама ў гэты дзень

1933 — Адольф Гітлер атрымаў дыктатарскія паўнамоцтвы ад Райхстагу Нямеччыны.

ГЛЯДЗІЦЕ ТАКСАМА:

Топ-10 фальсыфікацыяў гісторыі вайны ў беларускіх падручніках і афіцыйных СМІ

1991 — у Менску пачаўся II зьезд Беларускага Народнага Фронту «Адраджэньне».

ГЛЯДЗІЦЕ ТАКСАМА:

90-я forever: «Будзе поўны сувэрэнітэт, але — ніякай Незалежнасьці!» ВІДЭА

2006 — удзельнікі намётавага лягера на Кастрычніцкай плошчы ў Менску пачалі зьбіраць подпісы за перавыбары. Лягер узьнік пасьля прэзыдэнцкіх выбараў 19 сакавіка 2006 году.

2007 — у Самалі быў зьбіты самалёт «Іл-76» беларускай авіякампаніі «Трансавіяэкспарт». На борце самалёта было 11 грамадзян Беларусі, усе яны загінулі.

У гэты дзень нарадзіліся

1865 — Уладзіслаў Сівы-Сівіцкі (Стары Ўлас), паэт, пісьменьнік, зьбіральнік беларускага фальклёру.

1906 — Ісак Любан, беларускі кампазытар, аўтар музыкі да песьні «Бывайце здаровы».

1910 — Акіра Курасава, японскі кінарэжысэр, прадусар і сцэнарыст.

1948 — Генадзь Пашкоў, беларускі літаратар і перакладчык.

У памяці

1978 — памёр Рыгор Шырма, беларускі харавы дырыжор. У 1927–1936 гадах быў сакратаром Таварыства беларускай школы.

2016 — ад анкалягічнай хваробы памерла Ганна Вольская, прадусарка гурту «Крамбамбуля» і жонка Лявона Вольскага.